جھانسہءِ ادب میں ڈار۔۔۔۔۔۔۔۔۔۔۔۔۔۔۔۔۔ل&a

[Rana Taimoor Ali]

Ehkamat jari karnay ka khabt hai.Chahti hain k tamam k tamam team members haath bandhay,sar jhukaye,Nighahen nechi kiye muhtarma K darbar main line hazir raha karain.shuhar e namdar aur ghar walon ka tou pata nahi,albatta ink saath kaam karnay walon ka aik limit k baad aakar meter ghoom hi jata hai.phir woh forum say sar par paon rakh kar nahi,paon main pahiye fitt kar k sarpat bhagta dikhai deta hai.
Aik say barh kar aik uljhan bhara,arq reezi(arq ink demagh ka....reezay dosron k demagh k)
Aur fuse uranay wala kaam kar k yun khush hoti hain jaisay qustuntuniya fatah kar liya ho.maqsad shayad ye hai k ungli kata kar shaheedon main naam shumar karwa lain.
Taluqat bigarti kisi say nahi,aur bananay ki zaroorat paish ati nahi,k muhtarma ki shakhsiyat koi shehad ki makhi ka chatta hai jo ata hai bhir jata hai.
Chand roz qabal ye raaz bhi munkashif hua mujh na cheez par k inhay ghussa bhi ata hai...wallah...Allah Allah....aisa koi Siachen Glacier jaisa sard ghussa, jis main thandak k saath saath khatray ki bu bhi ho Allah sab ko dain.
Har dam hangama barpa kiye rehna addat hai ya zaroorat,is par tehqeeq jari hai.dil kehta hai zaroorat,demagh kehta hai addat.demagh ki kabhi maine mani nahi aur dil k jhoot main ab main ati nahi.so dekhiye ont(camel) kis karwat baith'ta hai.....tehqeeq ka ont.
Lecutre.......tamam pakistaniyun ki tarhan bohat acha day laiti hain,agar masla dosray ka ho tou.
Logon ko chanay k jhar par charha kar apna kaam nikalwanay k fun say bhi bakhobi agah hain.aur gahay bagahay iss hunar say faizyab bhi hoti rehti hain.
Bazahir jo dikhti hain,woh hain nahi.aur jo hain,woh dikhti nahi.hain kawakib kuch nazar atay hain kuch ki tarhan.....kuch tou hai jis ki pardah dari hai.

Likhti bhi hain,parhti nahi.na apna likha na dosray musanifeen ka.khud aisa.....aur aisa aisa likhti hain k khud ko maeel ba mutala karna parta hai.urdu ki sirf tangain hi nahi tortin,grammer ka bhi qatal e aam machati hain.muhawwarray yaad nahi rehtay,phir bhi bolti hain.aik kamal ka wasf ye bhi hasil hai k kisi aik hi unwan par 10 mukhtalif andaz aur tariqon say likh sakti hain.mizah aisa tehreer karti hain k qari usay intehai sanjeedgi say parhta hai.
Kabhi aik khat likha tha.....kisi muqablay main.........MERAY PAKISTAN k naam......khat tou yaad nahi,par yaad hai woh muqabla zara zara.fateh qarar pai thin shayad.
Itni wazay nishaniyun k baad aap log pehchan tou gaye hi hongay.
Ji haan,ye azeem u shaan(khuwa mun khuwa ki) shakhsiyat sirf sirf aur sirf........Ruby Akram almaroof Calm ki melody hain.
Woh tamam log jinhon ne durust naam bataya.........unhay kuch nahi milay ga,kiyun admin sahiba kanjoos aur ye tehreer likhnay wali maha kanjoos hai.

Assalam o Alaikum to all of you.
Special Thanks kehne ke liye ye reply @Mamin Mirza

ye aap ki mujh na cheez se mohabat hai.ke ap ne qalam se narazgi ke bawajood mujh pe hath saaf kiye :D. kahin kahin toh aise shahaana andaaz main hath saaf kiye.ke mujhe gumaan guzra ke..abhi kisi police wale ke hath lageen..ya abhi dhar li gayeeen.. .. magar shukar hai..aap ke hath main wo safaiee paai gai ke..bare se bare dehshaat gard ke pas bhi aisi safai nahi hogi

now be serious. sach ye hai ke.acha laga..bohot hi acha laga parh kar. khule dil.aur saaf goi se kaam lete hue..saaf saaf aur khara khara likha hai. tehreer likhne main toh ap ka koi saani hi nahi hai. alfaz ka istimaal. misaalain, aur bande ko naam dene main aap kamaal rakhti hain..aik tehreer jo amer aiyar par thi.wo yaad aa gai.
MashaAllah se aap ki yaad daasht bhi achi hai. pakistan contest ka zikar bhi kia ap ne..wo bhi bohot acha laga.. halanke ..wo mere liye naya waqt tha.. naya naya qadam rakha tha forum world main. par aap hi ne hamesha meri taang tooti hoi urdu ki taang kheenchi..uski waja se hi meri urdu apne pairoun pe khari ho pai hai..abhi bhi bohot si ghaltiyaan (aww nahi.mujhe yad hai ap ne kaha tha aghlaat) hain..wo bhi isliye hain.ke ap ki sar parasti hasil nahi hai. main ap ka pehle din se ehtraam karti rahi aur aj tak karti hon.aur IN SHA ALLAH karti rahongi..ap mere liye ustad ki hesiyat rakhti hain. Allah pak ap se hamesha khush aur razi rahe. aameen.

JAZAKALLAH...
waise tussi choontiyaan kaddan ich b koi kami nai rakhi tehreer ich.
hunn asi pata nai kitne din uchalte phiraan ge

isko bolte hain hatyaar dal dena os k ilawa koi aur chara bhi nahi bacha tha warna shayad aur bhi kuch samne aajata chalo achi baat hai apne ap ko bacha liya