Attention Guest, if you are not a member of Urdu Tehzeb, you have 1 new private message waiting, to view it you must fill out 
جب ترا دامنِ تر یاد آیا
اپنی آہوں کا اثر یاد آیا
جب بھی صحرا میں بگولا دیکھا
تیرے آنگن کا شجر یاد آیا
شب کے ساتھی تو بہت سارے تھے
اک دیا وقتِ سحر یاد آیا
جس گھڑی شمع کے آنسُو پگھلے
مجھے اک دیدۂ تر یاد آیا
بے بسی کی مجھے دینا تھی مثال
ایک ٹوٹا ہوا پَر یاد آیا
حادثہ بھول چکا تھا سب کو
ناؤ دیکھی تو بھنور یاد آیا
ایک لمحہ تھا فقط خوشیوں کا
وہ بھی با دیدۂ تر یاد آیا
چاند دو بار گھٹا سے نکلا
تُو مجھے بارِ دگر یاد آیا
ایک تو حسن ترا اپنا تھا
اک ترا حسنِ نظر یاد آیا
اپنے گھر کی نہ کبھی یاد آئی
جب بھی آیا ترا گھر یاد آیا
Similar Threads:
Reply With Quote
Originally Posted by intelligent086
Bookmarks