Attention Guest, if you are not a member of Urdu Tehzeb, you have 1 new private message waiting, to view it you must fill out 
Hum parwarash-e-loh-o-qalam karte rahengeJo dil pe guzarti hai raqam karte rahenge
Asbaab-e-gham-e-ishq baham karte rahengeViraani-e-dauraan pe karam karte rahenge
Haan talkhi-e-ayyaam abhi aur barhe giHaan ahl-e-sitam mashq-e-sitam karte rahenge
Manzur yeh talkhi yeh sitam hum ko gawaaraDam hai to madaawa-e-alam karte rahenge
Maikhana salaamat hai to hum surkhi-e-mai seTazzain-e-dar-o-baam-e-haram karte rahenge
Baqi hai lahu dil mein to har ashk se paidaRang-e-lab-o-rukhsar-e-sanam karte rahenge
Ek tarz-e-taghaaful hai so woh unko mubaarakEk arz-e-tamanna hai so hum karte rahenge
Reply With Quote
Bookmarks