Attention Guest, if you are not a member of Urdu Tehzeb, you have 1 new private message waiting, to view it you must fill out 
Raqs Karne Ka Mila Hukum Jo Dariyaaon Main,
Hum Ne Khush Ho ke Bhanvaar Bandh Liye Paaon Main,
Unn Ko Bhi Hai Kisi Bheegay Hue Manzar Ki Talaash,
Boondh Tak Bo Na Sakay Jo Kabhi Saheraoon Main,
Ai Mere HumSafaroon Tum Bhi Thakay Haaray Ho,
Dhoop Ki Tum To Milavat Na Karo Chaaon Main,
Jo Bhi Aata Hai Batata Hai Naya Koi Ilaaj,
Bat Na Jaye Tera Bimaar Maseehaaon Main,
Hauslaa Kis Main Hai Yusuf Ki Kharidaari Ka,
Aab To Mehngaaii Ke Charchay Hain, Zulaikhaaon Main,
Jis Barahman Ne Kaha hai Ke Ye Saal Accha Hai,
Uss Ko Dafnaon Mere haath Ki Rekhaaon Main,
Who Khuda Hai Kisi Tootay Hue Dil Main Hoga,
Masjidoon Main Usse Dhoondho Na Kaliisaaon Main,
Hum Ko Aapas Main Muhabbat Nahin Karne Dete,
Ek Yehi Aiib Hai Iss Shehar Ke Daanaon main,
Mujh Se Karte Hain 'Qateel' Iss Liye Kuch Log Hasad,
Kiyo Mere Sher Hain Maqbool Haseenaon Main.
Similar Threads:
Reply With Quote
Originally Posted by CaLmInG MeLoDy
Bookmarks