Attention Guest, if you are not a member of Urdu Tehzeb, you have 1 new private message waiting, to view it you must fill out 
ناریل
ڈاکٹرمحمد رشید
عربی: نارجیل فارسی: جوزہندی سندھی: ڈونکی پشتو: کوپرہ بنگالی: ناریکل انگریزی: Coconut مشہور عام چیز ہے۔ اس کا ذائقہ شیریں، خوش مزہ ہوتا ہے۔ اس کا رنگ باہر سے سرخ اور اندر سے سفید ہوتا ہے۔ اس کا مزاج گرم اور خشک دوسرے درجے میں ہوتا ہے۔ اس کی مقدار خوراک دو تولہ ہے۔ اس کے حسب ذیل فوائد ہیں: ناریل کے فوائد: 1۔ خون صالح پیدا کرتا ہے۔ 2 ۔ کثیرالغذا ہونے کی وجہ سے بدن کو فربہ کرتا ہے۔ 3۔ جسم کی حرارت اصلی کو قوت دیتا ہے۔ 4۔ بینائی کو مضبوط کرنے کیلئے ہر روز نہار منہ کوزہ مصری ہم وزن ناریل کے ہمراہ کھانا بے حد مفید ہے۔ 5۔ پیٹ کے کیڑوں کو مارنے کے لیے پرانا ناریل تین ماشہ کھانا مفید ہوتا ہے۔ 6۔ ناریل کا تیل سرپر لگانے سے بال ملائم ہوتے ہیں اور بڑھتے بھی ہیں۔ 7۔ ناریل کا تیل اگر روزانہ پلکوں پر لگایا جائے تو وہ بہت ملائم ہو جاتی ہیں۔ 8۔ ناریل ذیابیطس ( شوگر)کے مرض میں پیاس بجھاتا ہے۔ 9۔ اگر نکسیر کی شکایت ہو تو تین ہفتہ دو تولہ ناریل رات کو بھگو کر صبح نہار منہ کھانے سے یہ مرض ہمیشہ کے لیے دور ہو جاتا ہے۔ 10۔ فالج، لقوہ، رعشہ اور وجع مفاصل میں اس کا استعمال بے حد مفید ہوتا ہے۔ 11۔ ناریل کے چھلکوں کے جوشاندے سے غرارے کرنے سے دانت مضبوط ہوتے ہیں۔ 12۔ کچاناریل بھوک لگاتا ہے اور فوائد کے اعتبار سے زیادہ مفید ہوتا ہے کیونکہ اس کا مزاج سردتر ہوتا ہے۔ کچا ناریل زود ہضم ہوتا ہے۔ 13۔ کھانسی اور دمہ میں ناریل کا استعمال بالکل نہیں کرنا چاہئے۔ 14۔ مثانہ اور گردے کی کمزوری کو دور کرتا ہے۔ 15۔ اگر بند چوٹ ہو تو پرانے ناریل میں ایک چوتھائی ہلدی ملا کر پوٹلی باندھ لیں۔ اس کو گرم کر کے چوٹ کی جگہ ٹکور کرنے سے چوٹ کی درد اور سوجن ٹھیک ہو جاتی ہے۔ 16۔ چاول کھانے کے بعد تھوڑا سا ناریل کھا لینے سے چاول فوراً ہضم ہو جاتے ہیں۔ 17۔ ناریل کھا کر پانی بالکل نہیں پینا چائیے۔ 18۔ یرقان میں مفید ہے۔ 19۔ زبان کا مزہ درست کرتا ہے ۔ 20۔ کچے ناریل کا پانی پینا پیشاب کی مختلف بیماریوں کو دور کرتا ہے۔ 21۔ پھیپھڑوں کے مریض کو ناریل کا دودھ بنا کر پلانا اور کھلانا مفید ہوتا ہے۔ 22۔ ناریل کی داڑھی کی راکھ کو پانی میں گھول کر نتھرا ہوا پانی ہچکی کیلئے بے حد مفید ہوتا ہے۔ 23۔ ناریل کا تیل گردے اور مثانے میں قوت اور چربی پیدا کرنے کے لیے مفید ہے۔ 24۔ گرتے ہوئے بالوں کی صورت میں کھوپرے یعنی ناریل کا تیل سرپر لگانا خاص طور پر رات کے وقت اورصبح اٹھ کر کسی اچھے صابن سے سردھو لینا مفید ہوتا ہے۔
Reply With Quote
Originally Posted by Moona
Bookmarks