Attention Guest, if you are not a member of Urdu Tehzeb, you have 1 new private message waiting, to view it you must fill out 
نامِ حق سے جو پرچم کھلا حمد کا
رنگ چاروں طرف چھا گیا حمد کا
لحظہ لحظہ ہے شانِ الہٰی نئی
ذائقہ بھی ہے پل پل نیا حمد کا
نیم شب کو نجوم اس کی باتیں کریں
صبح دم چھیڑے نغمہ صبا حمد کا
شامل اس میں خلائق جہاں در جہاں
از ازل تا ابد سلسلہ حمد کا
اس کی تسبیح کرتے ہیں سب نجم و گُل
کارواں ہے رواں جا بجا حمد کا
نَو بنَو اس کے امکان آشوب میں
دَور چلتا رہے گا سدا حمد کا
اس کو پھیلانا چاہوں حدِ عمر تک
جب ملے لمحۂ دلکشا حمد کا
حمد کرنے میں احمد سا کوئی نہیں
جسکے دم سے ہے گلشن ہرا حمد کا
کیا خبر ہے کہ تائبؔ وہ مقبول ہو
جو بیاں رہ گیا اَن کہا حمد کا
٭٭٭
Similar Threads:
Reply With Quote
Bookmarks