ابھی جذبۂ شوق کامل نہیں ہے

[intelligent086]

ابھی جذبۂ شوق کامل نہیں ہے

کہ بے گانۂ آرزو دل نہیں ہے

کوئی پردۂ راز حائل نہیں ہے
ستم ہے وہ پھر بھی مقابل نہیں ہے

سر آنکھوں پہ نیرنگی بزمِ عالم
جسے خوفِ غم ہو، یہ وہ دل نہیں ہے

مسرت بداماں ہوں سیلاب غم میں
کوئی موج محروم ساحل نہیں ہے

محبت سے بچ کر کہاں جائیے گا
تلاطم ہے آغوشِ ساحل نہیں ہے

وہ کس نازو انداز سے کہہ رہے ہیں
شکیل اب محبت کے قابل نہیں ہے

Similar Threads:

• اے جذبۂ دل گر میں چاہوں ہر چیز مقابل آ جائے
• تو اسیر بزم ہے ہم سخن تجھے ذوقِ نالۂ نےَ نہی&#
• کس حرف پہ تو نے گوشۂ لب اے جانِ جہاں غماز کیا
• شعلۂ عشق بجھانا بھی نہیں چاہتا ہے
• ہر جذبۂ غم کی تلخی میں اک مستی پنہاں دیکھیں &#