اب تو خوشی کا غم ہے ، نہ غم کی خوشی مجھے

[intelligent086]

اب تو خوشی کا غم ہے ، نہ غم کی خوشی مجھے

بے حس بنا چکی ہے بہت زندگی مجھے


وہ وقت بھی خدا نہ دکھائے کبھی مجھے
ان کی ندامتوں پر ہو شرمندگی مجھے

رونے پہ اپنے اُن کو بھی افسردہ دیکھ کر
یوں بن رہا ہے ہوں جیسے اب آئی ہنسی مجھے

یوں دیجئے فریبِمحبت کہ عمر بھر
میں زندگی کو یاد کروں زندگی مجھے میں

رکھنا ہے تشنہ کام تو ساقی بس اک نظر
سیراب کر نہ دے مری تشنہ لبی مجھے

پایا ہے سب نے دل مگر اس دل کے باوجود
اک شے ملی ہے دل میں کھٹکتی ہوئی مجھے

راضی ہوں یا خفا ہوں جو کچھ بھی ہوں شکیل
ہر حال میں قبول ہے اُن کی خوشی مجھے

***

Similar Threads:

• عادت سے ان کی دل کو خوشی بھی ہے غم بھی ہے
• غم بہ دل، شکر بہ لب، مست و غزل خواں چلیے
• تری خوشی سے اگر غم میں بھی خوشی نہ ہوئی
• غم بہ دل، شکر بہ لب، مست و غزل خواں چلیے​
• وہ شخص جس نے ڈاکٹروں کے تمام دعوے غلط ثابت ک