یہ دشتِ ہجر، یہ وحشت، یہ شام کے سائے

[Ali_]

یہ دشتِ ہجر، یہ وحشت، یہ شام کے سائے
خدا یہ وقت تری آنکھ کو نہ دِکھلائے

اُسی کے نام سے لفظوں میں چاند اُترے ہیں
وہ ایک شخص کہ دیکھوں تو آنکھ بھر آئے

جو کھو چکے ہیں اُنہیں ڈھونڈنا تو ممکن ہے
جو جا چکے ہیں اُنہیں کوئی کس طرح لائے!

؂کلی سے میں نے گلِ تر جسے بنایا تھا
رُتیں بدلتی ہیں کیسے، مجھے ہی سمجھائے

جو بے چراغ گھروں کو چراغ دیتا ہے
اُسے کہو کہ مِرے شہر کی طرف آئے

یہ اضطرابِ مسلسل عذاب ہے امجد
مِرا نہیں تو کسی اور ہی کا ہو جائے

Similar Threads:

• یہ دشتِ ہجر یہ وحشت یہ شام کے سائے
• چھوڑا، مہِ نخشب کی طرح، دستِ قضا نے
• مشہدِ عاشق سے ، کوسوں تک جو اگتی ہے حنا
• رحم کر، ظالم! کہ، کیا بودِ چراغِ کشتہ ہے
• تپش سے میری، وقفِ کشمکش، ہر تارِ بستر ہے