نہ ربط ہے نہ معانی ، کہیں تو کس سے کہیں!

[Ali_]

نہ ربط ہے نہ معانی ، کہیں تو کس سے کہیں!
ہم اپنے غم کی کہانی ، کہیں تو کس سے کہیں!

سلیں ہیں برف کی سینوں میں اب دلوں کی جگہ
یہ سوزِ دردِ نہانی کہیں تو کس سے کہیں!

نہیں ہے اہلِ جہاں کو خود اپنے غم سے فراغ
ہم اپنے دل کی گرانی کہیں تو کس سے کہیں!

پلٹ رہے ہیں پرندے بہار سے پہلے
عجیب ہے یہ نشانی کہیں تو کس سے کہیں!

نئے سُخن کی طلب گار ہے نئی دُنیا
وہ ایک بات پرانی کہیں تو کس سے کہیں

نہ کوئی سُنتا ہے امجد نہ مانتا ہے اسے
حدیثِ شامِ جوانی کہیں تو کس سے کہیں

Similar Threads:

• شکوہ بہ طرزِ عام نہیں آپ سے مجھے
• سانپ سے دوستی ، جنگل میں نہ بھٹکائے کہیں
• راہِ طلب میں کون کسی کا ، اپنے بھی بیگانے ہی&#
• ذرے سرکش ہُوئے ، کہنے میں ہوائیں بھی نہیں
• شکوہ عبث ہے میرؔ کہ کڑھتے ہیں سارے دن

[intelligent086]

عمدہ انتخاب
خوب صورت شیئرنگ کا شکریہ