مجھ سے پہلے تجھے جس شخص نے چاہا اس نے

[intelligent086]

مجھ سے پہلے تجھے جس شخص نے چاہا اس نے

شاید اب بھی ترا غم دل سے لگا رکھا ہو

ایک بے نام سی امید پہ اب بھی شاید
اپنے خوابوں کے جزیروں کو سجا رکھا ہو

میں نے مانا کہ وہ بیگانۂ پیمانِ وفا
کھو چکا ہے جو کسی اور کی رعنائی میں
شاید اب کے لوٹ کے نہ آئے تری محفل میں
اور کوئی دکھ نہ رلائے تجھے تنہائی میں

میں نے مانا کہ شب و روز کے ہنگاموں میں
وقت ہر غم کو بھلا دیتا ہے رفتہ رفتہ
چاہے امید کی شمعیں ہوں کہ یادوں کے چراغ
مستقل بُعد بجھا دیتا ہے رفتہ رفتہ

پھر بھی ماضی کا خیال آتا ہے گاہے گاہے
مدتیں درد کی لو کم تو نہیں کر سکتیں
زخم بھر جائیں مگر داغ تو رہ جاتے ہیں
دوریوں سے کبھی یادیں تو نہیں مر سکتیں

یہ بھی ممکن ہے کہ اک دن وہ پشیماں ہو کر
تیرے پاس آئے زمانے سے کنارا کر لے
تو کہ معصوم بھی ہے زور فراموش بھی ہے
اس کی پیماں شکنی کو بھی گوارا کر لے

اور میں، جس نے تجھے اپنا مسیحا سمجھا
ایک زخم اور بھی پہلے کی طرح سہہ جاؤں
جس پہ پہلے بھی کئی عہدِ وفا ٹوٹے ہیں
اسی دوراہے پہ چپ چاپ کھڑا رہ جاؤں
٭٭٭

Similar Threads:

• وہ زخم پھر سے ہرا ہے نشاں نہ تھا جس کا
• آ پھر سے مجھے چھوڑ کے جانے کے لئے آ
• خیال جس نے مجھے دوبارہ سیلز کے پیشے کی جانب &a
• سونگھنے اور چکھنے کی حس جب ختم ہو جائے!
• جب سے تو نے شجر کیا ہے مجھے

[KhUsHi]

بہت ہی عمدہ شیئرنگ

[intelligent086]

پسند کرنے کا شکریہ