ہم بھی پھرتے ہیں یک حشَم لے کر

[intelligent086]

ہم بھی پھرتے ہیں یک حشَم لے کر

دستۂ داغ و فوجِ غم لے کر

دست کش نالہ پیش رو گریہ
آہ چلتی ہے یاں علم لے کر

مرگ اک ماندگی کا وقفہ ہے
یعنی آگے چلیں گے دم لے کر

اس کے اوپر کہ دل سے تھا نزدیک
غم دوری چلے ہیں ہم لے کر

بارہا صید گہ سے اس کی گئے
داغِ یاس آہوئے حرم لے کر

ضعف یاں تک کھنچا کہ صورت گر
رہ گئے ہاتھ میں قلم لے کر

دل پہ کب اکتفا کرے ہے عشق
جائے گا جان بھی یہ غم لے کر

شوق اگر ہے یہی تو اے قاصد!
ہم بھی آتے ہیں اب رقم لے کر

میرؔ صاحب ہی چُوکے اے بد عہد!
ورنہ دینا تھا دل قسم لے کر

Similar Threads:

• ہم ایسے مَرگ طلب بھی نہ تھے محبت میں
• دیر لگی آنے میں تم کو شکر ہے پھر بھی آئے تو
• مَیری تَقدِیر مَیرے حال پہ شَرمائی ہے
• محتسب پوچھ نہ تو شیشے میں کیا رکھا ہے
• ہجر کی شب میں قید کرے یا صُبح وصَال میں رکھے

[Dr Danish]

Umda Intekhab
sharing ka shukariya

[intelligent086]

پسند اور خوب صورت آراء کا بہت بہت شکریہ