ہاتھ سے تیرے اگر میں ناتواں مارا گیا

[intelligent086]

ہاتھ سے تیرے اگر میں ناتواں مارا گیا

سب کہیں گے یہ کہ کیا اک نیم جاں مارا گیا

یک نگہ سے بیش کچھ نقصاں نہ آیا اُس کے تئیں
اور میں بے چارہ تو اے مہرباں مارا گیا

وصل و ہجراں سی جو دو منزل ہیں راہِ عشق کی
دل غریب ان میں خدا جانے کہاں مارا گیا

جن نے سر کھینچا دیار عشق میں اے ابولہوس
وہ سراپا آرزو آخر جواں مارا گیا

کب نیازِ عشق نازِ حسن سے کھینچا ہے ہاتھ
آخر آخر میرؔ سر بر آستاں مارا گیا

Similar Threads:

• نئی طرزوں سے مے خانے میں رنگِ مے جھلکتا تھا
• یوں تو اے بزم جہاں! دلکش تھے ہنگامے ترے
• سنا ہے میں نے، کل یہ گفتگو تھی کارخانے میں
• ہمیں اچھا تو لگتا ہے تمہارا اِس طرح ملنا
• تیرا گھر اور میرا جنگل بھیگتا ہے ساتھ ساتھ