مہر کی تجھ سے توقع تھی ستم گر نکلا

[intelligent086]

مہر کی تجھ سے توقع تھی ستم گر نکلا

موم سمجھے تھے ترے دل کو سو پتھر نکلا


داغ ہوں رشکِ محبت سے کہ اتنا بے تاب
کس کی تسکیں کے لیے گھر سے تُو باہر نکلا

جیتے جی آہ ترے کوچے سے کوئی نہ پھرا
جو ستم دیدہ رہا جا کے سو مر کر نکلا

دل کی آبادی کی اس حد ہے خرابی کہ نہ پوچھ
جانا جاتا ہے کہ اس راہ سے لشکر نکلا

اشکِ تر قطرۂ خوں لختِ جگر پارۂ دل
ایک سے ایک عدو آنکھ سے بہتر نکلا

ہم نے جانا تھا لکھے گا تو کوئی حرف اے میرؔ
پر ترا نام تو اِک شوق کا دفتر نکلا

Similar Threads:

• سمجھوتہ ایکسپریس … کتنے سال گزر گئے ؟
• مہر کی تجھ سے توقع تھی ستم گر نکلا
• چھیڑ منظور ہے کیا عاشق دلگیر کے ساتھ
• قرض کی پیتے تھے مے ، لیکن سمجھتے تھے ، کہ ہاں
• کسے معلوم تھا اس شے کی تجھ میں بھی کمی ہوگی

[Admin]

Awsome Sharing Keeo It up bro

[Dr Danish]

Umda intekhab
Share karne ka shukariya

[intelligent086]

پسند اور خوب صورت آراء کا بہت بہت شکریہ