ایسا ترا رہ گزر نہ ہو گا

[intelligent086]

ایسا ترا رہ گزر نہ ہو گا

ہر گام پہ جس میں سر نہ ہو گا

کیا اُن نے نشے میں مجھ کو مارا
اتنا بھی تو بے خبر نہ ہو گا

دشنوں سے کسی کا اتنا ظالم
ٹکڑے ٹکڑے جگر نہ ہو گا

اب دل کے تئیں دیا تو سمجھا
محنت زدوں کے جگر نہ ہو گا

(ق)

دنیا کی نہ کر تو خواست گاری
اس سے کبھو بہرہ ور نہ ہو گا

آ خانہ خرابی اپنی مت کر
قحبہ ہے یہ اس سے گھر نہ ہو گا

پھر نوحہ گری کہاں جہاں میں
ماتم زدہ میرؔ اگر نہ ہو گا

Similar Threads:

• ہم سے ظاہر و پنہاں جو اُس غارت گر کے جھگڑے ہی&
• عذرِ گناہ بدتر از گناہ ھارون الرشید (ناتما
  
• گلزارِ ہست و بود نہ بیگانہ وار دیکھ
• ہر ہفتے ڈھائی گھنٹے سے زیادہ جوگنگ نقصان د
• راز ہے ، راز ہے تقدیر جہان تگ و تاز