nahin nigah main manzil to justaju hi sahi
nahin wisal mayasar to arzu hi sahi

na tan main khun faraham na ashk ankhon main
namaz-e-shauq to wajib hai be-wazu hi sahi

kisi tarah to jame bazm maikade walo
nahin jo bada-o-sagar to ha-o-hu hi sahi

gar intazar kathin hai to jab talak ai dil
kisi k wada-e-farda ki guftagu hi sahi

dayar-e-gair main mahram agar nahin koi
to 'Faiz' zikr-e-watan apne ru-ba-ru hi sahi


Similar Threads: