سائے بھی راہ کی دیوار ہُوا کرتے ہیں

[intelligent086]

مرحلے شوق کے دُشوار ہُوا کرتے ہیں
سائے بھی راہ کی دیوار ہُوا کرتے ہیں




وہ جو سچ بولتے رہنے کی قسم کھاتے ہیں
وہ عدالت میں گُنہگار ہُوا کرتے ہیں


صرف ہاتھوں کو نہ دیکھو کبھی آنکھیں بھی پڑھو
کچھ سوالی بڑے خود دار ہُوا کرتے ہیں


وہ جو پتھر یونہی رستے میں پڑے رہتے ہیں
اُن کے سینے میں بھی شہکار ہُوا کرتے ہیں


صبح کی پہلی کرن جن کو رُلا دیتی ہے ،
وہ ستاروں کے عزا دار ہُوا کرتے ہیں


جن کی آنکھوں میں سدا پیاس کے صحرا چمکیں
در حقیقت وہی فنکار ہُوا کرتے ہیں


شرم آتی ہے کہ دُشمن کِسے سمجھیں محسنؔ
دُشمنی کے بھی تو معیار ہُوا کرتے ہیں


***

Similar Threads:

• دُکھے ہوئے ہیں ہمیں اور اب دُکھاؤ نہیں
• جاتا ہوں جدھر، سب کی اُٹھے ہے اُدھر انگشت
• بارش ہُوئی تو پھُولوں کے تن چاک ہو گئے
• اُس کے دل میں بھی کوئی بات رہی ہوگی
• ذرے سرکش ہُوئے ، کہنے میں ہوائیں بھی نہیں