شب ڈھلی چاند بھی نکلے تو سہی

[intelligent086]

شب ڈھلی چاند بھی نکلے تو سہی

درد جو دل میں ہے چمکے تو سہی


ہم وہیں پر بسا لیں خود کو
وہ کبھی راہ میں روکے تو سہی


مجھے تنہائیوں کا خوف کیوں ہے
وہ مرے پیار کو سمجھے تو سہی


وہ قیامت ہو ،ستارہ ہو کہ دل
کچھ نہ کچھ ہجر میں ٹوٹے تو سہی


سب سے ہٹ کر منانا ہے اُسے
ہم سے اک بار وہ روٹھے تو سہی


اُس کی نفرت بھی محبت ہو گی
میرے بارے میں وہ سوچے تو سہی


دل اُسی وقت سنبھل جائے گا
دل کا احوال وہ پوچھے تو سہی


اُس کے قدموں میں بچھا دوں آنکھیں
میری بستی سے وہ گزرے تو سہی


میرا جسم آئینہ خانہ ٹھہرے
میری جانب کبھی دیکھے تو سہی


اُس کے سب جھوٹ بھی سچ ہیں محسن
شرط اتنی ہے کہ، بولے تو سہی


***

Similar Threads:

• دیکھ رہین احتیاط یوں نہ ابھی سنبھل کے چل
• قتل چھپتے تھے کبھی سنگ کی دیوار کے بیچ
• پھیلتی ہے شام دیکھو ڈوبتا ہے دن عجب
• لال پیلی چاندنی برفوں پہ ڈھلتی دیکھنا
• بلڈ پریشر قابو میں رکھنے کے چند آسان گھری