کہنے کو سب کچھ اپنا ہے

[intelligent086]

اس دنیا میں اپنا کیا ہے


کہنے کو سب کچھ اپنا ہے

یوں تو شبنم بھی دریا ہے
یوں تو دریا بھی پیاسا ہے
یوں تو ہر ہیرا بھی کنکر
یوں تو مٹی بھی سونا ہے
منہ دیکھے کی باتیں ہیں سب
کس نے کس کو یاد کیا ہے
تیرے ساتھ گئی وہ رونق
اب اس شہر میں کیا رکھا ہے
بات نہ کر صورت تو دکھادے
تیرا اس میں کیا جاتا ہے
دھیان کے آتش دان میں ناصر
بجھے دِنوں کا ڈھیر پڑا ہے

Similar Threads:

• ماں اپنے 3 بچوں کے ساتھ وہ کر گئی کہ سوچ کر ہی 
• ’’چھپنا دیوانِ غالبؔ نسخۂ امروہہ کا‘‘ سے چند
• اپنے آپ کو جہالت سے بچانے کی دعا
• درد کانٹا ہے اس کی چبھن پھول ہے
• کہاں تک چُپ رہوں چپکے رہنے سے کچھ نہیں ہوتا