ستم کوشیاں ہیں، ستم کاریاں ہیں

[intelligent086]

ستم کوشیاں ہیں، ستم کاریاں ہیں

بس اک دل کی خاطر یہ تیاریاں ہیں

چمن سوز، گلشن کی گلکاریاں ہیں

یہ کس سوختہ دل کی چنگاریاں ہیں

نہ بے ہوشیاں اب، نہ ہشیاریاں ہیں

محبت کی تنہا فسوں کاریاں ہیں

نہ وہ مستیاں ہیں، نہ سرشاریاں ہیں

خودی کا ہی احساس خود داریاں ہیں

محبت اثر کرتی ہے چپکے چپکے

محبت کی خاموش چنگاریاں ہیں

نگاہ تجسس نے دیکھا جہاں تک

پرستاریاں ہی پرستاریاں ہیں

تجلی سے کہہ دو ذرا ہاتھ روکے

بہت عام اب دل کی بیماریاں ہیں

نہ آزاد دل ہیں، نہ بے قید نظریں

گرفتاریاں ہی گرفتاریاں ہیں

نہ ذوق تخیل، نہ ذوق تماشا

محبت ہے اب اور بے زاریاں ہیں

تغافل ہے اک شان محبوب لیکن

تغافل میں پنہاں خبرداریاں ہیں

کہاں میں، کہاں تازہ اشعارِ رنگیں

تری اک توجہ کی گلکاریاں ہیں

ازل سے ہے صرفِ دُعا ذرہ ذرہ

خدا جانے کیا کچھ طلبگاریاں ہیں

بچھے جا رہے ہیں سب ہی دیدۂ و دل

تری آمد آمد کی تیاریاں ہیں

قدم ڈگمگائے، نظر بہکی بہکی

جوانی کا عالم ہے، سرشاریاں ہیں

جگر ، زندگی لطف سے کٹ رہی ہے

غم آزاریاں ہیں ، جنوں کاریاں ہیں

کہاں پھر یہ ہستی، کہاں ایسی ہستی

جگر کی جگر تک ہی میخواریاں ہیں

٭٭٭

Similar Threads:

• وطن کی بیٹیاں مائیں سلام کہتی ہیں! ارشاد اح&#
• کسی اور غم میں اتنی خلش نہاں نہیں ہے،
• ہستی کے مت فریب میں آ جائیو، کہیں
• سختیاں کرتا ہوں دل پر ، غیر سے غافل ہوں میں
• چمک تیری عیاں بجلی میں ، آتش میں ، شرارے میں

[Admin]

Thanks for sharing Keep it up ..

[intelligent086]

[Dr Danish]

ستم کوشیاں ہیں، ستم کاریاں ہیں

بس اک دل کی خاطر یہ تیاریاں ہیں

چمن سوز، گلشن کی گلکاریاں ہیں
یہ کس سوختہ دل کی چنگاریاں ہیں
نہ بے ہوشیاں اب، نہ ہشیاریاں ہیں
محبت کی تنہا فسوں کاریاں ہیں
نہ وہ مستیاں ہیں، نہ سرشاریاں ہیں
خودی کا ہی احساس خود داریاں ہیں
محبت اثر کرتی ہے چپکے چپکے
محبت کی خاموش چنگاریاں ہیں
نگاہ تجسس نے دیکھا جہاں تک
پرستاریاں ہی پرستاریاں ہیں
تجلی سے کہہ دو ذرا ہاتھ روکے
بہت عام اب دل کی بیماریاں ہیں
نہ آزاد دل ہیں، نہ بے قید نظریں
گرفتاریاں ہی گرفتاریاں ہیں
نہ ذوق تخیل، نہ ذوق تماشا
محبت ہے اب اور بے زاریاں ہیں
تغافل ہے اک شان محبوب لیکن
تغافل میں پنہاں خبرداریاں ہیں
کہاں میں، کہاں تازہ اشعارِ رنگیں
تری اک توجہ کی گلکاریاں ہیں
ازل سے ہے صرفِ دُعا ذرہ ذرہ
خدا جانے کیا کچھ طلبگاریاں ہیں
بچھے جا رہے ہیں سب ہی دیدۂ و دل
تری آمد آمد کی تیاریاں ہیں
قدم ڈگمگائے، نظر بہکی بہکی
جوانی کا عالم ہے، سرشاریاں ہیں
جگر ، زندگی لطف سے کٹ رہی ہے
غم آزاریاں ہیں ، جنوں کاریاں ہیں
کہاں پھر یہ ہستی، کہاں ایسی ہستی
جگر کی جگر تک ہی میخواریاں ہیں
٭٭٭

Nice Sharing .....
Thanks

[intelligent086]

Nice Sharing .....
Thanks