کہاں آرام لمحہ بھر رہا ہے

[intelligent086]

کہاں آرام لمحہ بھر رہا ہے
سفر ، میرا تعاقب کر رہا ہے

رہی ہوں بے اماں موسم کی زد پر
ہتھیلی پر ہَوا کی ، سر رہا ہے

میں اِک نو زائیدہ چڑیا ہوں لیکن
پُرانا باز ، مُجھ سے ڈر رہا ہے

پذیرائی کو میری شہرِ گل میں
صبا کے ہاتھ میں پتّھر رہا ہے

ہَوائیں چھُو کے رستہ بھُول جائیں
مرے تن میں کوئی منتر رہا ہے

میں اپنے آپ کو ڈسنے لگی ہوں
مجھے اب زہر اچھا کر رہا ہے

کھلونے پا لیے ہیں میں نے لیکن
مرے اندر کا بچہ مر رہا ہے

***

Similar Threads:

• ہاں! ہم محبت کرتے ہیں! محمد اظہارالحق (تلخ نو
• ہمیں بھی ہے یاد آج تک وہ نظر سے حرفِ سلام لکھ&
• سوچ رہے ہیں صبح تلک اِک بار بھی آنکھ نہیں جھ&#
• حذَر کہ آہ جگر تفتگاں بلا ہے گرم
• پھر مرے شہر سے گزرا ہے وہ بادل کی طرح