ہم نہ ہوتے تو کسی اور کے چرچے ہوتے

[intelligent086]

قربتوں میں بھی جدائی کے زمانے مانگے
دل وہ بے مہر کہ رونے کے بہانے مانگے
ہم نہ ہوتے تو کسی اور کے چرچے ہوتے

خلقتِ شہر تو کہنے کو فسانے مانگے
یہی دل تھا کہ ترستا تھا مراسم کے لئے
اب یہی ترکِ تعلق کے بہانے مانگے
اپنا یہ حال کہ جی ہار چکے لٹ بھی چکے

اور محبت وہی انداز پرانے مانگے
زندگی ہم ترے داغوں سے رہے شرمندہ
اور تُو ہے کہ سدا آئینہ خانے مانگے
دل کسی حال پہ قانع ہی نہیں جانِ فراز
مِل گئے تم بھی تو کیا اور نہ جانے مانگے
٭٭٭

Similar Threads:

• کوئی تو ہے جو نظامِ ہستی چلا رہا ہے ، وہی خدا
• اس سہمے ہوئے شہروں کی فضا کچھ کہتی ہے
• سو سو تہمت ہم پہ تراشی کوچہ رقیبوں نے
• کیسے چہرے ہیں جو ملتے ہی بچھڑ جاتے ہیں
• کوئی تو ہے جو نظامِ ہستی چلا رہا ہے ، وہی خدا