مجھ کو اتار حرف میں ، جانِ غزل بنا مجھے

[intelligent086]

مجھ کو اتار حرف میں ، جانِ غزل بنا مجھے

میری ہی بات مجھ سے کر، میرا کہا سنا مجھے


رخشِ ابد خرام کی تھمتی نہیں ہیں بجلیاں
صبحِ ازل نژاد سے کرنا ہے مشورہ مجھے

لوحِ جہاں سے پیشتر لکھا تھا کیا نصیب میں
کیسی تھی میری زندگی ، کچھ تو چلے پتہ مجھے

کیسے ہوں خواب آنکھ میں ، کیسا خیال دل میں ہو
خود ہی ہر ایک بات کا کرنا تھا فیصلہ مجھے

چھوٹے سے اک سوال میں دن ہی گزر گیا مرا
تُو ہے کہ اب نہیں ہے تُو بس یہ ذرا بتا مجھے

دامِ صراطِ وقت سے کیسے گزرنا اب مجھے
ویسے تو دے گئے سبھی جاتے ہوئے دعا مجھے

میرا سفر مرا ہی تھا اٹھتے کسی کے کیا قدم
اپنے لئے تھا کھوجنا اپنا ہی نقشِ پا مجھے

لگتا ہے چل رہی ہوں میں روحِ تمام کی طرف
جیسی تھی ابتداء مجھے ویسی ہے انتہا مجھے
٭٭٭

Similar Threads:

• کس حرف پہ تو نے گوشۂ لب اے جانِ جہاں غماز کیا
• فارغ مجھے نہ جان! کہ، جوں صبح و آفتاب
• ہزاروں دل دیے ، جوشِ جنونِ عشق نے مجھ کو
• زباں غیر میں لِکھا ہے تُو نے خط مُجھ کو
• جِنہیں صُبح تک تھا جلنا، سرِ شام بُجھ گئے ہ
  

[tricky temi]

ahaaaa nyc 1

[Ali_]

T4$ Keep It Up

[intelligent086]