کسی کشِش کے کسی سلسلے کا ہونا تھا

[intelligent086]

کسی کشِش کے کسی سلسلے کا ہونا تھا

ہمیں بھی آخرش اِک دائرے کا ہونا تھا

ابھی سے اچھا ہوا رات سو گئی ورنہ

کبھی تو ختم سفر رت جگے کا ہونا تھا

برہنہ تن بڑی گزری تھی زندگی اپنی

لباس ہم کو ہی اِک دوسرے کا ہونا تھا

ہم اپنا دیدۂ بینا پہن کے نِکلے تھے

سڑک کے بیچ کسی حادثے کا ہونا تھا

ہمارے پاؤں سے لپٹی ہوئی قیامت تھی

قدم قدم پہ کسی زلزلے کا ہونا تھا

ہم اپنے سامنے ہر لمحہ مرتے رہتے تھے

ہمارے دِل میں کسی مقبرے کا ہونا تھا

تم آ سکے نہ شبِ قدر کے اجالے میں

وگرنہ وصل بڑے مرتبے کا ہونا تھا

تمام رات بلاتا رہا ہے اِک تارہ

افق کے پار کسی معجزے کا ہونا تھا

کسی کے سامنے اٹھی نظر تو بہہ نکلا

ہماری آنکھ میں کیا آبلے کا ہونا تھا

یہ کیا کہ ساتھ ازل سے ہے ہمسفر منزل

کسی جگہ تو کسی مرحلے کا ہونا تھا

ہم اپنی ذات سے باہر نکل ہی آئے ہیں

کبھی ہمیں بھی کسی راستے کا ہونا تھا

٭٭٭

Similar Threads:

• حکایت ِ سعدی بھوکا سپاہی کیسے لڑے؟
• بول اے سکوتِ دل کہ درِ بے نِشاں کُھلے
• مئے کشی کے ساتھ لطفِ رقصِ پیمانہ الگ
• نہ کرشمہ قوسِ قزح سے کم ، نہ کشش ہلال کے خم سے
• سسکیاں لینے سے کیا فائدہ اے زینتِ شب

[Ali_]

T4$ Keep It Up

[intelligent086]