وہ پیاس ہے کہ دعا بن گیا ہے میرا وجود

[intelligent086]

جو مہرباں کوئی چہرہ نظر بھی آتا ہے
تو دل میں گزرے زمانوں کا ڈر بھی آتا ہے

ہرے بھرے مرے خوابوں کو روندنے والو
خدائے زندہ زمیں پر اتر بھی آتا ہے

وہ پیاس ہے کہ دعا بن گیا ہے میرا وجود
کب آئے گا جو کوئی ابرِ تر بھی آتا ہے

کبھی جو عشق تھا اب مَکر ہو گیا میرا
سمجھ سکے نہ کوئی یہ ہنر بھی آتا ہے

ابھی چلا بھی نہ تھا اور رک گئے پاؤں
یہ سوچ کر کہ مرا ہمسفر بھی آتا ہے

ملے گا اور مرے سارے زخم بھر دے گا
سنا تھا راہ میں ایسا شجر بھی آتا ہے

یہ میرا عہد یہ میری دکھی ہوئی آواز
میں آ گیا جو کوئی نوحہ گر بھی آتا ہے

کوئی چرا کے مجھے کیسے چھپ سکے کہ علیم
لہو کا رنگ مرے حرف پر بھی آتا ہے

Similar Threads:

• وہ حبس ہے کہ لُو کی دعا مانگتے ہیں لوگ ھارون
• وہ دن ہوا ہوئے کہ پسینہ گلاب تھا ارشاد احمد &
• پاکستان جاگ رہاہے آغا مسعود حسین (نئی دنیا )
• دے گا وہ حرص و ہوس کو نہ کبھی دل میں جگہ
• اب وہ خود محوِ علاج دردِ پنہاں ہو گئے

[Ali_]

T4$ Keep It Up

[intelligent086]