جدا جو پہلو سے وہ دلبرِ یگانہ ہوا

[intelligent086]

جدا جو پہلو سے وہ دلبرِ یگانہ ہوا
تپش کی یاں تئیں دل نے کہ دردِ شانہ ہوا

جہاں کو فتنے سے خالی کبھی نہیں پایا
ہمارے وقت میں تو آفتِ زمانہ ہوا

خلش نہیں کسو خواہش کی رات سے شاید
سرشکِ یاس کے پردے میں دل روانہ ہوا

ہم اپنے دل کی چلے دل ہی میں لیے یاں سے
ہزار حیف سرِ حرف اس سے وا نہ ہوا

کھلا نشے میں جو پگڑی کا پیچ اُس کی میرؔ
سمند ناز پہ ایک اور تازیانہ ہوا

Similar Threads:

• دل تو وہ برگِ خزاں ہے کہ ہوا لے جائے
• جدا جو پہلو سے وہ دلبرِ یگانہ ہوا
• جو رعنائی نگاہوں کے لئے فردوسِ جلوہ ہے
• دے گا وہ حرص و ہوس کو نہ کبھی دل میں جگہ
• اب وہ خود محوِ علاج دردِ پنہاں ہو گئے