اب وہ نہیں کہ شورش رہتی تھی آسماں تک

[intelligent086]

اب وہ نہیں کہ شورش رہتی تھی آسماں تک
آشوبِ نالہ اب تو پہنچا ہے لامکاں تک

تصویر کی سی شمعیں خاموش جلتے ہیں ہم
سوزِ دروں ہمارا آتا نہیں زباں تک

روتے پھریں ہیں لوہو اک عمر اس گلی میں
باغ و بہار ہی ہے جاوے نظر جہاں تک

بے لطف تیرے کیوں کر تجھ تک پہنچ سکیں ہم
ہیں سنگِ راہ اپنے کتنے یہاں سے واں تک

مانند طیرِ نو پر اُٹھے جہاں گئے ہم
دشوار ہے ہمارا آنا پھر آشیاں تک

تن کام میں ہمارے دیتا نہیں وہی کچھ
حاضر ہیں میرؔ ہم کو اپنی طرف سے جاں تک

Similar Threads:

• خوشیاں بانٹنا آتا ہی نہیں۔ ہم نے یہ فن سیکھ
  
• آفات اور پریشانیاں کیوں آتی ہیں؟ علامہ اب
• اب وہ نہیں کہ شورش رہتی تھی آسماں تک
• اب وہ نہیں کہ آنکھیں تھیں پُر آب روز و شب
• اب وہ نہیں کہ آنکھیں تھیں پُر آب روز و شب