اس شہر کا کیا جانئے کیا ہوکے رہے گا

[intelligent086]

اس شہر کا کیا جانئے کیا ہوکے رہے گا
ہر شخص بضد ہے کہ خدا ہو کے رہے گا

شعلہ سا وہ لپکا ہے کہستاں میں مکرر
خاشاک کا فرعون فنا ہو کے رہے گا

آباد بڑی دیر سے ہے شہرِ تمنا
اک روز درِ شہر بھی وا ہو کے رہے گا

اِس شہر پنہ کا ہمیں سایہ ہی بہت ہے
سودائے وطن سر پہ ردا ہو کے رہے گا

پھر دشمنِ ایماں نے نئی چال چلی ہے
کہتا ہے کہ وہ بندہ مرا ہو کے رہے گا

وعدوں پہ ترے چھوڑ دیا ہم نے بہلنا
اب خونِ جگر رنگِ حنا ہو کے رہے گا

لکھنا ہے مجھے نوحۂ برگِ گلِ یابس
’یہ قرضِ محبت ہے ادا ہو کے رہے گا‘
***
یعقوب آسی

Similar Threads:

• وہ جس کے نین نقش اپنے ذہن میں اُتر گئے
• کس حرف پہ تو نے گوشۂ لب اے جانِ جہاں غماز کیا
• جانے کیا شے اس کی گلیوں کے سفر میں رہ گئی
• جو سرگزشت اپنی ہم کہیں گے کوئی سنے گا تو کیا &
• کوئی جائے طور پہ کس لئے کہاں اب وہ خوش نظری ر&