Attention Guest, if you are not a member of Urdu Tehzeb, you have 1 new private message waiting, to view it you must fill out 
مت پوچھو
بن ترے کیسے جیتا ہوں
مت پوچھو
اڈیکوں کے ظالم موسم میں
سانسوں کا آنا جانا کیسے ہوتا ہے
مت پوچھو
ساون رت میں
آنکھوں کی برکھا کیسے ہوتی ہے
مت پوچھو
چاہت کی مدوا پر
خود غرضی کا لیبل جب بھی لگتا ہے
راتوں کی نیندیں ڈر جاتی ہیں
آشکوں کے تارے
سارے کے سارے
گنتی میں کم پڑ جاتے ہیں
آس کی کومل کرنیں
یاس کی اگنی میں
جب جلتی ہیں
تب روح کی ارتھی اٹھتی ہے
یادوں کی نم آنکھوں کی یپتا
مت پوچھو
چھوڑ کر جانے کے موسم پر
بچھڑے موسم کا اک پل بھاری ہوتا ہے
پھر کہتا ہوں
کالے موسم تم کو کھا جائیں گے
تری ہستی کی کوئی کرچی
میں کیسے دیکھ سکوں گا
چہرےگھائل
مرے دل کے کتنے ٹکڑے کرتے ہیں
مت پوچھو
Similar Threads:
Reply With Quote
Bookmarks