Attention Guest, if you are not a member of Urdu Tehzeb, you have 1 new private message waiting, to view it you must fill out 
جب کسی کو قرآن مجید میں اللہ تعالیٰ کی ہدایات اور اس کے آخری پیغمبر حضور نبی کریمﷺ کی تاقیامت رہنے والی ہدایات کی طرف متوجہ کیا جاتا ہے تو وہ حیران ہوجاتا ہے کہ یہ کیسے ہوسکتا ہے…؟؟؟ کہ صرف قرآن مجید کی آیات پڑھنے اور دم کرنے سے ہی بغیر رقم خرچ کیے آرام آجائے۔ صرف اس میں آپ کو کچھ وقت پانچ وقت کی نماز اور وظائف کو دینا پڑیگا بشرطیکہ رزق حرام‘ ذخیرہ اندوزی‘ رشوت اور نشہ آور اشیاء سے پرہیز کرنا ہے۔ یہ سبق چودہ سوسال سے پڑھایا جارہا ہے آخر کیسے آرام نہ ہو؟ اللہ تعالیٰ نے پانچ نمازیں فرض کی ہیں تندرست ہوں یا بیمار‘ کھڑے ہوکر بیٹھ کر لیٹ کر اشاروں سے نماز لازمی پڑھیں۔ پانچ وقت کی نماز اور وظائف کی ادائیگی ایسا علاج ہے کہ ثواب کا ثواب اور علاج کا علاج۔قرآنی وظائف حاضر ہیں:
میں چند سورتوںکا نام درج کررہا ہوں جو کہ آیت الکرسی‘ سورۂ فاتحہ‘ سورۂ نصر‘ سورۂ کوثر‘ سورۂ اخلاص‘ سورۂ قریش ہیں یہ وظائف قدرت الٰہی سے وقتاً فوقتاً عطا ہوئے جو میں اپنے مرشد کی خدمت میں پیش کررہا ہوں۔ ان سورتوں میں سے کسی ایک سورت کو لے لیں اور یقین کامل کے ساتھ عمل کریں گے تو انشاء اللہ تعالیٰ آپ اس کے فوائد سے بھی مستفید ہوں گے۔ اول چالیس دن تک روزانہ ایک تسبیح معہ بسم اللہ اور درود شریف نماز والا اول آخر سات بار۔ کوئی بھی ایک سورت، نماز عشاء کے بعد ایک جگہ اور مخصوص کردہ لباس میں چاند کی پہلی جمعرات سے شروع کریں۔ چالیس دن کے بعد عمل آپ کے ہاتھ میںہوگا بعدازاں کسی بھی وقت دن میں ایک دفعہ تسبیح کرلیا کریں تاکہ عمل آپ کے ہاتھ میں رہے زیادہ محنت نہیں اللہ تعالیٰ کی ذات بھی خوش ہوگی اور ثواب کا ثواب‘ چاہے آپ ایک ہاتھ سے گِنیں یا ایک صاف کاغذ لیکر ایک تا دس تک علیحدہ علیحدہ اعداد لکھیں کسی کے دانت‘ کان‘ جوڑوں کا درد‘ بلڈپریشر ہو زیادہ یا کم کچھ مریضوں کے سر میں اتناشدید درد ہوتاہے کہ ناقابل برداشت ہوجاتا ہے۔ مریض سے کہیں کہ درد والی جگہ پر ہاتھ رکھیں اور اسے پہلے کہہ دیں کہ میں جب اشارہ کروں تو ہاتھ اٹھالے میں نے پھونک مارنی ہے اس کے بعدمریض درد والی جگہ پر ہاتھ رکھ لے۔ پہلے درود شریف نماز والا تین دفعہ پڑھ کر ایک عدد کوکاٹیں اور سورۂ ایک بارپڑھ کر پھونک ماریں۔ اس طرح جو عدد کاٹیں گے اتنی ہی بار صرف سورۂ مع تسمیہ پڑھ کر پھونک مارتے جائیں۔ انشاء اللہ تعالیٰ چند پھونکوں سے درد بالکل ختم ہوجائے گا اور مریض سے پوچھتے جائیں کہ درد ختم ہوا ہے یا نہیں۔ آخر میں تین دفعہ درودشریف پڑھ کر خود پر پھونک ماریں مریض سے کوئی رقم نہیں لینی البتہ باہر وہ کسی مانگنے والے کو پانچ دس روپے صدقہ ضرور دے۔ بخار‘ پیٹ درد‘ بلڈپریشر والے کو اول و آخر سات باردرود شریف ایک بار سورۂ مع تسمیہ پانی پر پڑھ کر پھونک مار کر پلادے۔ اللہ تعالیٰ بخار‘ پیٹ درد‘ بلڈپریشر ختم ہوجائے گا۔
جانیے جادو ہے یا بیماری:
اسی طرح کسی مریض کی تشخیص کرنی مطلوب ہو کہ اسے کیا مرض ہے تو اس کی قمیص جو کہ سلکی نہ ہو اور استعمال شدہ یعنی دھونے والی ہو۔ قمیص کو اول کندھے کی سلائی سے لے کر نیچے گھیرے تک ایک فیتہ سے ناپ کر لکھ لیں پھر اول و آخر درود شریف معہ مندرجہ ذیل بالا سورتوں میں سے کوئی بھی ایک سورت جو کہ آپ کے عمل میں ہے سات بار پڑھ کر تین پھونکیں قمیض پر ماریں اور دوبارہ اسی طرح قمیض کا ناپ لیں اگر بڑھ جائے تو جنات‘ کم ہوجائے تو تعویذات کا اثر اوراگربرابر رہے تو بیماری۔ تینوںصورتوںمیں اسی سورت کا تعویذ بنا کر اول و آخر سات مرتبہ درودشریف ایک بار سورت مع تسمیہ پڑھ کر اس تعویذ پر اور پانی کی ایک بوتل پر دم کردیں۔ اللہ تعالیٰ بہتر کریگا۔ مندرجہ بالا سورتیں میں تو ساری پڑھتا ہوں آپ اپنی ہمت سے پڑھ سکتے ہیں تو پڑھیں وگرنہ ایک سورت پڑھیں۔ کسی اجازت یا پرہیز کی ضرورت نہیں۔ پرہیز صرف رزق حرام‘ کالا دھند ہ‘ ذخیرہ اندوزی‘ رشوت اور نشہ آور اشیاء سے ہے۔ ضرورت صرف یقین کامل کی ہے اور اس پر عمل کرنے کی ہے۔ یہ وظائف بارہا کے آزمائے ہوئے ہیں۔
Reply With Quote
Bookmarks