Attention Guest, if you are not a member of Urdu Tehzeb, you have 1 new private message waiting, to view it you must fill out 
داغِ دل ہم کو یاد آنے لگے
لوگ اپنی دِیے جلانے لگے
کچھ نہ پا کر بھی مطمئن ہیں ہم
عشق میں ہاتھ کیا خزانے لگے
خُود فریبی سی خُود فریبی ہے
پاس کے ڈھول بھی سُہانے لگے
اب تو ہوتا ہے ہر قدم پہ گُماں
ہم یہ کیسا قدم اُٹھانے لگے
اس بدلتے ہوئے زمانے میں
تیرے قصے بھی کچھ پرانے لگے
رُخ بدلنے لگا فسانے کا
لوگ محفل سے اُٹھ کے جانے لگے
ایک پل میں وہاں سے ہم اُٹھے
بیٹھنے میں جہاں زمانے لگے
اپنی قِسمت سے ہے مفر کس کو
تِیر پر اُڑ کے بھی نشانے لگے
ہم تک آئے نہ موسمِ گُل
کچھ پرندے تو چہچہانے لگے
شام کا وقت ہو گیا باقی
بستیوں سے شرار آنے لگے
باقی صدیقی
https://www.youtube.com/watch?featur...TAqKcuUQY#t=16
Reply With Quote
Bookmarks