باب:جنبی کا پسینہ اورمسلمان نجس نہیں ہوتا ۔ صحیح بخاری


بَاب عَرَقِ الْجُنُبِ وَأَنَّ الْمُسْلِمَ لَا يَنْجُسُ

جلد نمبر ۱ / دوسرا پارہ / حدیث نمبر ۲۷۷ / حدیث مرفوع
۲۷۷۔حَدَّثَنَا عَلِيُّ بْنُ عَبْدِ اللہِ قَالَ حَدَّثَنَا يَحْيَی قَالَ حَدَّثَنَا حُمَيْدٌ قَالَ حَدَّثَنَا بَکْرٌ عَنْ أَبِي رَافِعٍ عَنْ أَبِي هُرَيْرَةَ أَنَّ النَّبِيَّ صَلَّی اللہُ عَلَيْهِ وَسَلَّمَ لَقِيَهُ فِي بَعْضِ طَرِيقِ الْمَدِينَةِ وَهُوَ جُنُبٌ فَانْخَنَسْتُ مِنْهُ فَذَهَبَ فَاغْتَسَلَ ثُمَّ جَاءَ فَقَالَ أَيْنَ کُنْتَ يَا أَبَا هُرَيْرَةَ قَالَ کُنْتُ جُنُبًا فَکَرِهْتُ أَنْ أُجَالِسَکَ وَأَنَا عَلَی غَيْرِ طَهَارَةٍ فَقَالَ سُبْحَانَ اللہِ إِنَّ الْمُسْلِمَ لَا يَنْجُسُ۔

۲۷۷۔علی بن عبداللہ ، یحیی ، حمید، بکر، ابورافع، ابوہریرہ رضی اللہ تعالیٰ عنہ روایت کرتے ہیں کہ مدینہ کی کسی گلی میں انہیں رسول اللہ صلی اللہ علیہ وآلہ وسلم مل گئے اور ابوہریرہ رضی اللہ تعالیٰ عنہ جنبی تھے، (وہ کہتے ہیں کہ) میں آپ سے علیحدہ ہوگیا، اور جا کر غسل کیا، پھر آیا، تو آپ نے فرمایا کہ اے ابوہریرہ تم کہاں چلے گئے تھے؟ ابوہریرہ نے کہا کہ میں جنبی تھا اور ناپاکی کی حالت میں میں نے آپ کے پاس بیٹھنا مناسب نہ سمجھا، آپ نے فرمایا، سبحان اللہ! مومن (کسی حال میں) نجس نہیں ہوتا۔