فیس بک پر لوگوں کی پسندیدہ اشیا اور رحجانات کی فہرست جاری
سان فرانسسكو: اگرچہ فیس بک گوگل کی طرح کوئی سرچ انجن نہیں لیکن فیس بک پر سرچ کیے جانے والی اشیا اور رحجانات کا باقاعدہ ریکارڈ رکھا جاتا ہے اور اب فیس بک نے اپنے صارفین کے پسندیدہ رحجانات اور اشیا کی ایک فہرست جاری کی ہے جس میں 2001 اشیا کا انتخاب کیا گیا ہے۔ فیس بک کے نئے آڈیئنس اوپٹیمائزیشن ٹول کے تحت فیس بک نے قریباً 2 لاکھ 82 ہزار اشیا کی فہرست جاری کی ہے جس میں اس کے صارفین دلچسپی رکھتے ہیں جب کہ اس ٹول کا مقصد یہ ہے کہ پوسٹ شیئر کرنے والے پبلشر اپنے ممکنہ ہدف والے صارفین تک اپنا پیغام پہنچاسکیں، اس کے بعد 2 لاکھ 82 ہزار اشیا اور ٹرینڈز کو مزید کم کرکے پہلی 2001 اشیا کی فہرست شائع کی گئی ہے۔
ان اشیا میں پہلا نمبر خود فیس بک کو ہی دیا گیا ہے جب کہ دوسرے نمبر پر لوگ ٹیکنالوجی میں دلچسپی رکھتے ہیں اور تیسرے نمبر پر تفریح یا انٹرٹینمنٹ ہے، چوتھے نمبر پر کنزیومر الیکٹرانکس، پانچواں نمبر خریداری یا شاپنگ کا ہے، چھٹے نمبر پر کھیل، ساتویں نمبر پر سوشل نیٹ ورک، آٹھویں پر موبائل فون، نویں پر میوزک اور دسویں نمبر پر کمپیوٹرز ہیں۔ اس کے علاوہ گیمز، فلمیں اور سفر وغیرہ اہم ترین 20 اشیا میں شامل ہیں جب کہ محبت یا Love کو اکیسویں نمبر پراور خاندان کو 24 ویں نمبر رکھا گیا ہے۔
اس فہرست کو دیکھ کر بعض دلچسپ رحجانات بھی سامنے آئے مثلاً ڈجیٹل تقسیم (ڈسٹری بیوشن) کا نمبر 96 ہے اور جذبات کا نمبر 121 ہے۔ کمپیوٹر میں com file کا نمبر 78 اور CONFIG.SYS کا نمبر 93 ہزار سے بھی پیچھے ہے جب کہ آج کے ڈجیٹل دور میں اخبار کا نمبر 72 ہے۔
Attention Guest, if you are not a member of Urdu Tehzeb, you have 1 new private message waiting, to view it you must fill out 
Reply With Quote
Originally Posted by Moona
Bookmarks