اے منسٹر سنو!

(ہجیرہ میں قائم مقام وزیر اعظم کی آمد پر لکھی گئی نظم)


اے منسٹر سنو!
یہ مرا شہر یوں صاف ستھرا نہیں
جس طرح آپ کو یہ دِکھایا گیا
سامنے ہر دکاں کے یہاں
کل تلک تو غلاظت کے اَنبار تھے
جابجا تھیں کھڑی گاڑیاں اِس طرح
دو قدم چلنا بھی تھا گراں شہر میں
ایک بھی چوک میں، اِک اشارے پہ بھی
تب ٹریفک سپاہی نہ موجود تھا
فرد پولیس کا کوئی حاضر نہ تھا
آپ کے آنے کی جب خبر آ گئی
گاڑیاں ساری بیرونِ بازار بھیجی گئیں
کوڑا کرکٹ یہاں سے اٹھایا گیا
وردی والوں کو سڑکوں پہ لایا گیا
ناچ جنتا کو ہفتوں نچایا گیا
شہر اچھی طرح سے سجایا گیا
آپ کو تب کہیں جا کے حضرت بلایا گیا
٭٭٭