Hum Hain Hisar e Dard Main.......................!!!

[Mamin Mirza]

دل میں وفا کی ہے طلب، لب پہ سوال بھی نہیں
ہم ہیں حصارِ درد میں، اْس کو خیال بھی نہیں

اتنا ہے اس سے رابطہ، چھاؤں سے جو ہے دھوپ کا
یہ جو نہیں ہے ہجر تو پھر یہ وصال بھی نہیں

وہ جو انا پرست ہے، میں بھی وفا پرست ہوں
اْس کی مثال بھی نہیں، میری مثال بھی نہیں

عہدِ وصالِ یار کی تجھ میں نہاں ہیں دھڑکنیں
موجِ خون احتیاط، خود کو اْچھال بھی نہیں

تم کو زبان دے چکے، دل کا جہان دے چکے
عہدِ وفا کو توڑ دیں، اپنی مجال بھی نہیں

اْس سے کہو کہ دو گھڑی، ہم سے وہ آ ملے کہیں
مانا، محال ہے مگر، اتنا محال بھی نہیں

[intelligent086]

واہ جی واہ
لاجواب انتخاب
شیئر کرنے کا شکریہ