Attention Guest, if you are not a member of Urdu Tehzeb, you have 1 new private message waiting, to view it you must fill out 
جل شانہٗ
رات رو رو کے جو دعا مانگی
رب سے تاثیرِ برملا مانگی
تاج مانگا نہ تخت ہی مانگا
رب سے بس خیر کی دعا مانگی
رکّھی ظالم سے کب امیدِ کرم
ربِّ رحمٰن سے عطا مانگی
مانگی اپنے خدا سے درویشی
میں نے کب مخملی قبا مانگی
شام غربت کی بھی نہیں چاہی
اور نہ بوسیدہ سی قبا مانگی
خضر سی عمر بھی نہیں چاہی
نہ کوئی مسندِ صفا مانگی
چاہی بادِ صبا نہ رنگِ افق
نہ کبھی باغ کی فضا مانگی
قبر میں روشنی بھی چاہی ہے
اور کعبے کی نم فضا مانگی
راز داں ہو خطا معاف میری
چیز کیا چاہئے تھی کیا مانگی
ہم نے بزمِ خیال سے اپنی
لذتِ یادِ مصطفی مانگی
نعت حسان جیسی میں بھی کہوں
رب سے رو رو کے یہ دعا مانگی
٭٭٭
Reply With Quote
Bookmarks