دل ہی تو ہے نہ سنگ و خشت، درد سے بھر نہ آئے کیوں؟
روئیں گے ہم ہزار بار ۔کوئی ہمیں ستائے کیوں؟
دَیر نہیں، حرم نہیں، در نہیں، آستاں نہیں
بیٹھے ہیں رہ گزر پہ ہم، غیر * ہمیں اُٹھائے کیوں؟
جب وہ جمالِ دل فروز، صورتِ مہرِ نیم روز
آپ ہی ہو نظارہ سوز ۔پردے میں منہ چھپائے کیوں؟
دشنۂ غمزہ جاں ستاں، ناوکِ ناز بے پناہ
تیرا ہی عکس رُخ سہی، سامنے تیرے آئے کیوں؟
قیدِ حیات و بندِ غم اصل میں دونوں ایک ہیں
موت سے پہلے آدمی غم سے نجات پائے کیوں؟
حسن اور اس پہ حسنِ ظن، رہ گئی بوالہوس کی شرم
اپنے پہ اعتماد ہے غیر کو آزمائے کیوں؟
واں وہ غرورِ عزّ و ناز، یاں یہ حجابِ پاس وضع
راہ میں ہم ملیں کہاں، بزم میں وہ بلائے کیوں؟
ہاں وہ نہیں خدا پرست، جاؤ وہ بے وفا سہی
جس کو ہوں دین و دل عزیز اس کی گلی میں جائے کیوں؟
غالبؔ خستہ کے بغیر کون سے کام بند ہیں
روئیے زار زار کیا؟ کیجئے ہائے ہائے کیوں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
* کوئی۔ نسخۂ مہر



Dil hi to hai nah sung-o-khasht, derd se bher ai kiyon!
Roiange hum hazar bar, koi hamein sataai kiyon!
Dair nahin, haram nahin , der nahin aastan nahin
Baithe hain rah guzar pe, gair hamein uthai kiyon!
Jab who jamaale dilfaroze, soorate mhre neem roze
Aap hi ho nazzarah soz perde mein munh chipai kiyon!
Dashnai ghamzah jaan satan, nawake naaz be panah
Tera hi akse rukh sahi, samne tere ai kiyon!
Qaide hayat-o- band gham, asl mein donon eik hain
Maut se pahle! Aadmi njaat paye kiyon!
Husn aur us pe husne zan, rah giyee bulhawas ki sherm
Apne pe atemad hai ghair ko azmaein kiyon!
Wan who gharooregazze naaz, yan ye hijabe pas waza
Raah mein hum milein kahan, bazam mein who bulaye kiyon!
Han who nahin khuda parast, jao be wafa sahi
Jis ko ho dain-o-dil azeez, uski gali mein jaein kiyon