انگلیوں کی لمبائی اور بیوفائی میں گہرا تعلق ،تحقیق میں سامنے آ گیا



وفا اور بے وفائی فطری انسانی رویہ ہے جس کا کسی کی شکل سے اندازہ نہیں کیا جا سکتا مگر ایک حالیہ تحقیق میں سائنسدانوں نے معلوم کیا ہے کہ ہاتھ کی انگلیوں پر نظر ڈالنے سے کچھ اندازہ ہو سکتا ہے کہ کسی شخص میں وفا یا بے وفائی کا امکان ہے یا نہیں۔
لندن (دنیا نیوز ) سائنسدانوں نے 600 افراد کے مطالعہ کے بعد معلوم کیا کہ جن لوگوں میں انگوٹھی والی انگلی کی لمبائی شہادت والی انگلی سے زیادہ ہوتی ہے وہ زیادہ بے وفا ہوتے ہیں اور انکے ساتھ دیرپا تعلق کے امکانات کم ہوتے ہیں،اسی طرح ان لوگوں کی جنس مخالف کے ایک سے زائد افراد میں دلچسپی زیادہ ہوتی ہے۔ یہ لوگ میل جول بھی زیادہ پسند کرتے ہیں اور یہ مرد ہیں تو ان میں مزاج کی شدت اور جرائم کی طرف رغبت قدرے زیادہ ہوتی ہے جبکہ جن خواتین کی انگوٹھی والی انگلی شہادت والی انگلی سے لمبی ہوتی ہے وہ صنف مخالف کے بجائے اپنی ہی صنف میں زیادہ دلچسپی لیتی ہیں۔سائنسدانوں کا کہنا ہے کہ اس تحقیق کا یہ مطلب نہیں کہ اگر آپ کی محبوبہ کی انگوٹھی والی انگلی نسبتاً لمبی ہے تو آپ یہ سمجھنے لگیں کہ وہ بے وفائی کرے گی۔ وہ کہتے ہیں کہ یہ ایک عمومی بات ہے اور ہر ایک میں ایسا نہیں ہوتاہے ۔