Attention Guest, if you are not a member of Urdu Tehzeb, you have 1 new private message waiting, to view it you must fill out 
حسن غمزے کی کشاکش سے چھٹا میرے بعد
بارے آرام سے ہیں اہلِ جفا میرے بعد
منصبِ شیفتگی کے کوئی قابل نہ رہا
ہوئی معزولئ انداز و ادا میرے بعد
شمع بجھتی ہے تو اس میں سے دھواں اٹھتا ہے
شعلۂ عشق سیہ پوش ہوا میرے بعد
خوں ہے دل خاک میں احوالِ بتاں پر، یعنی
ان کے ناخن ہوۓ محتاجِ حنا میرے بعد
درخورِ عرض نہیں جوہرِ بیداد کو جا
نگہِ ناز ہے سرمے سے خفا میرے بعد
ہے جنوں اہلِ جنوں کے لۓ آغوشِ وداع
چاک ہوتا ہے گریباں سے جدا میرے بعد
کون ہوتا ہے حریفِ مۓ مرد افگنِ عشق
ہے مکّرر لبِ ساقی میں صلا* میرے بعد
غم سے مرتا ہوں کہ اتنا نہیں دنیا میں کوئی
کہ کرے تعزیتِ مہر و وفا میرے بعد
آۓ ہے بے کسئ عشق پہ رونا غالبؔ
کس کے گھر جاۓ گا سیلابِ بلا میرے بعد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*نسخۂ حمیدیہ میں ہے ’لبِ ساقی پہ‘۔ اکثر نسخوں میں بعد میں یہی املا ہے۔
* نسخۂ مہر، آسی اور باقی نسخوں میں لفظ ‘پہ’ ہے۔
Husn, gamze ki kshakash se chuta mere bad
Bare aram se hain ahle jafa mere bad
Mansabe saiftagi ke koi qabil na raha
Huie mazolie andaz-o-ada mere bad
Shama bujhti hai to usmein se dhuan uthta hai
Sholai ishqe seeh posh hua mere bad
Khon hai dil ahwale butan per yani
Un ke nakhun huai muhtaj hena mere bad
Der khore arz nhin johare baidad ko ja
Nigahe naaz hai surmein se khafa mere bad
Hai junon ahle juno ke liye agoshe wida
Chak hota hai gariban se juda mere bad
Kaun hota hai hareefe mai murda figane ishq
Hai maker labe saqi pe sela mere bad
Gam se merta hon ki etna nhin duniya mein koi
Ki kare taziyat mahr-o-wafa mere bad
Aaye hai baikasiye ishq pe roona Ghalib!
Kis ke gher jaye ga sailabe bla mere bad
Reply With Quote
Bookmarks