یہ نہ تھی ہماری قسمت کہ وصالِ یار ہوتاا

[intelligent086]

یہ نہ تھی ہماری قسمت کہ وصالِ یار ہوتاا
اگر اور جیتے رہتے ، یہی انتظار ہوتا
ترے وعدے پر جئے ہم تو یہ جان جھوٹ جانا
کہ خوشی سے مر نہ جاتے، اگر اعتبار ہوتا
تری نازکی سے جانا کہ بندھا تھا عہد بودا
کبھی تو نہ توڑ سکتا اگر استوار ہوتا
کوئی میرے دل سے پوچھے ترے تیرِ نیم کش کو
یہ خلش کہاں سے ہوتی، جو جگر کے پار ہوتا
یہ کہاں کی دوستی ہے کہ بنے ہیں دوست نا صح
کوئی چارہ ساز ہوتا، کوئی غم گسار ہوتا
رگِ سنگ سے ٹپکتا وہ لہو کہ پھر نہ تھمتا
جسے غم سمجھ رہے ہو، یہ اگر شرار ہوتا
غم اگر چہ جاں گسل ہے پہ کہاں بچیں کہ دل ہے
غمِ عشق گر نہ ہوتا، غم روزگار ہوتا
کہوں کس سے میں کہ کیا ہے؟شب غم بری بلا ہے
مجھے کیا برا تھا مرنا، اگر ایک بار ہوتا
ہوئے مر کے ہم جو رسوا، ہوئے کیوں نہ غرق دریا؟
نہ کبھی جنازہ اٹھتا نہ کہیں مزار ہوتا
اسے کون دیکھ سکتا، کہ یگانہ ہے وہ یکتا
جو دوئی کی بو بھی ہوتی تو کہیں دو چار ہوتا
یہ مسائل تصّوف یہ ترا بیان غالبؔ
تجھے ہم ولی سمجھتے ،جو نہ بادہ خوار ہوتا

Ye na thi hamari qismat ki wsale yaar hota
Agar aur jete rahte, yahi intezar hota
Tere wade pe jiye hum, to yeh jaan jhoot jana
Ki khushi se mer na jate, agar atebar hota
Teri nazuki se jana ki badha tha ahead booda
Kabhi too na tod sakta agar ustwar hota
Koi mere dil se poche tere teere neem kash ko
Ye khlish kahan se hoti jo jigar ke par hota
Ye kahan ki dosti hai ki bane hain dost naseh
Koi charah saz hota, koi gamgusar hota
Rage sung se tapakta wo laho ki, phir na thamta
Jise gam samajh rahe ho, ye agar sharar hota
Gam agarche jaan gusal hai, pah kahan bachin ka dil hai
Game ishq gar na hota, game rozgar hota
Kahon kis se mein ki kaya hai, shbe gam buri bla hai
Mujhe kaya bura tha merna, agar eik bar hota
Huai mer ke hum jo ruswa, huai kion na garqe dariya
Na kabhi janazah uthta na kahin mazar hota
Use kaun daikh sakta ki ygana hai woh yakta
Jo doie ki bo bhi hoti to kahin dochar hota
Ye msaile tasuuf, ye tera bayane ghalib!
Tujhe hum wali samajhte, jo na badai khuar hota

[muzafar ali]

lajwab sharing