دوست غمخواری میں میری سعی فرمائیں گے کیا
زخم کے بھرنے تلک ناخن نہ بڑھ جائیں گے کیا
بے نیازی حد سے گزری بندہ پرور، کب تلک
ہم کہیں گے حالِ دل، اور آپ فرمائیں گے کیا؟
حضرتِ ناصح گر آئیں، دیدہ و دل فرشِ راہ
کوئی مجھ کو یہ تو سمجھا دو کہ سمجھائیں گے کیا؟
آج واں تیغ و کفن باندھے ہوئے جاتا ہوں میں
عذر میرے قتل کرنے میں وہ اب لائیں گے کیا
گر کیا ناصح نے ہم کو قید، اچھا یوں سہی
یہ جنونِ عشق کے انداز چھٹ جائیں گے کیا
خانہ زادِ زلف ہیں، زنجیر سے بھاگیں گے کیوں
ہیں گرفتارِ وفا، زنداں سے گھبرائیں گے کیا
ہے اب اس معمورے میں قحطِ غمِ الفت اسدؔ
ہم نے یہ مانا کہ دلّی میں رہیں، کھائیں گے کیا؟


Dost, gam khuari mein meri saee farmawenge kaya
Zakham ke bharne talak nakhun na bad jainge kaya
Bai niyazi had se guzri, bandai parwer! kab talak
Hum kahenge hale dil aap farma denge kaya?
Hazrate naseh gar aawen, deda-o-dil farshe rah
Koi mujh ko ye to samjha do ki samjhawenge kaya
Aaj wa'n taig-o-kafan bandhe huai jata hon main
Uzar mere qatal kar ne woh ab lawenge kaya?
Gar gaya naseh ne hum ko qaid, achcha, yon sahi
Ye junone ishq ke andaz chut jawenge kaya?
Khanai zade zulf hain, zanjeer se bhagenge kiyon
Hain giraftare wafa, zindan se ghabrawenge kaya!
Hai ab is mamoorah mein qahte game ulfat, Asad
Hum ne mana dilli mein rahenge khawenge kaya