Attention Guest, if you are not a member of Urdu Tehzeb, you have 1 new private message waiting, to view it you must fill out 
بزمِ شاہنشاہ میں اشعار کا دفتر کھلا
رکھیو یارب یہ درِ گنجینۂ گوہر کھلا
شب ہوئی، پھر انجمِ رخشندہ کا منظر کھلا
اِس تکلّف سے کہ گویا بتکدے کا در کھلا
گرچہ ہوں دیوانہ، پر کیوں دوست کا کھاؤں فریب
آستیں میں دشنہ پنہاں، ہاتھ میں نشتر کھلا
گو نہ سمجھوں اس کی باتیں، گونہ پاؤں اس کا بھید
پر یہ کیا کم ہے؟ کہ مجھ سے وہ پری پیکر کھلا
ہے خیالِ حُسن میں حُسنِ عمل کا سا خیال
خلد کا اک در ہے میری گور کے اندر کھلا
منہ نہ کھلنے پرہے وہ عالم کہ دیکھا ہی نہیں
زلف سے بڑھ کر نقاب اُس شوخ کے منہ پر کھلا
در پہ رہنے کو کہا، اور کہہ کے کیسا پھر گیا
جتنے عرصے میں مِرا لپٹا ہوا بستر کھلا
کیوں اندھیری ہے شبِ غم، ہے بلاؤں کا نزول
آج اُدھر ہی کو رہے گا دیدۂ اختر کھلا
کیا رہوں غربت میں خوش، جب ہو حوادث کا یہ حال
نامہ لاتا ہے وطن سے نامہ بر اکثر کھلا
اس کی امّت میں ہوں مَیں، میرے رہیں کیوں کام بند
واسطے جس شہ کے غالبؔ! گنبدِ بے در کھلا
Bazame shahenshah mein, ashaar ka daftar khula
Rakhiyo yarab! ye ganjenai gauhar khula
Shab huie, phir anjum rakhshandah ka manzar khula
Is takalluf se ki goya butkadai ka dar khula
Gar cheh hon deewana, par kiyon dost ka khaon faraib
Aastin mein dashnah pinhan, hath mein nashtar khula
Go na samjhon uski batein, go na paon uska bhaid
Par yeh kya kam hai ki, mujh se woh pari paikar khula
Hai khayale husn mein husne amal ka sa khayal
Khuld ka ek dar hai meri gore ke ander khula
Munh na khulnai par hai woh aalam ki dakha hi nahin
Zulf se badkar niqab us shokh ke munh par khula
Dar pak rahne ko kaha kah ke kaisa phir gaya
Jitne arse mein mera lipta hua bistar khula
Kiyon andhaire hai shabe gam? hai kiyon balaon ka nuzool
Aai udher hi ko rahey ga deedai akhter khula?
Kaya rahon gurbat mein khush, jab hua hwadis ka ye hal
Namah lata hai, watan se, namah bar aksar khula
Uski ummat mein hon main, maire rahain kiyon kam band
Waste jis shahei ke, Ghalib! gunbade bai dar khula
Reply With Quote
Bookmarks