woh jo hum main tum main qarar tha, tumhain yaad ho kay na yaad ho
wohi yani wadah nibah ka, tumhain yaad ho kay na yaad ho

woh nayay gilay woh shikayatain, woh mazay mazay ki hikayatain
woh har aik baat par ruuthna, tumhain yaad ho kay na yaad ho

suno zikr hai kai saal ka, koi waada mujh say tha aap ka
woh nibhanay ka to zikar kya, tumhain yaad ho kay na yaad ho

woh jo lutf mujh pay thay beshtar, woh karam kay haath meray haath par
mujhe sab hain yaad zara zara, tumhain yaad ho kay na yaad ho

jissay aap gintay thay aashna, jissay aap kahtay thay bewafa
main wohi hoon Momin-e-mubtala (WAH!), tumhain yaad ho kay na yaad hoo...


Similar Threads: