یعنی اب صرف دوستوں یا لائکس پیجز سے ہٹ کر بھی آپ کسی بھی قسم کی پوسٹ کو سرچ کرسکتے ہیں۔فیس بک کی جانب سے گزشتہ سال یونیورسل سرچ کا اعلان کیا گیا تھا جس کو اب حتمی شکل دے دی گئی ہے۔فیس بک نے اس مقصد کے لیے 2 ٹریلین پوسٹس کو اپنے سرچ فیچر کا حصہ بنالیا ہے جن کو صارفین تلاش کرسکتے ہیں۔تاہم یہ اتنا بھی آسان نہیں کیونکہ فیس بک نے مطلوبہ سرچ کو ذرائع سے مشروط سے کردیا ہے۔آسان الفاظ میں کسی چیز کو سرچ کرنے کے دوران آپ کے سامنے سب سے زیادہ بااعتماد ذرائع جیسے پروفیشنل صحافتی ادارے کے رزلٹس سامنے آئیں گے۔اس کے نیچے آپ کے دوستوں کی پوسٹس کا سیکشن ہوگا اور سب سے آخر میں سرچ موضوع سے متعلقہ لنکس کا سیکشن دیا گیا ہے۔ہر سرچ انکوائری کے لیے فیس بک نے 200 سرچ فیکٹرز رکھے ہیں جن میں موضوعات، لائک کیے گئے پیجز اور سرچ ہسٹری وغیرہ بھی شامل ہیں۔ان تبدیلیوں کا اطلاق آج سے ہوگیا ہے تاہم دنیا بھر کے صارفین تک پہنچنے میں کچھ وقت لگ سکتا ہے۔
اپنی پوسٹس کو اس فیچر سے بچانا بھی ممکن
جیسا اوپر بتایا جاچکا ہے کہ فیس بک کی تمام پبلک پوسٹس کو اب آسانی سے سرچ میں تلاش کیا جاسکتا ہے بس ذرا ذہن لڑانے کی ضرورت ہوگی تاہم اس سے بچاﺅ بھی ممکن ہے۔اس کے لیے آپ کو اس طریقہ کار پر عمل کرنا ہوگا :سبسے پہلے تو اپنے فیس بک پروفائل میں اسکرین کے دائیںجانب اوپر تالے کے نشان پر کلک کرنا ہوگا جو نوٹیفکیشن کے آئیکون کے برابر میں ہوتا ہے۔اس کو کلک کرنے پر ایک بڑا جامنی رنگ کا ڈائنو سار نظر آئے گا وہاںآپ Who can see my stuff? پر کلک کریں۔آپ کے سامنے تین آپشنز آجائیں گے یعنی only me، friends اور پبلک اگر آپ فرینڈز کا آپشن منتخب کرلیںگے تو آپ جو بھی پوسٹ کریں گے وہ یونیورسل سرچ میں شو نہیں ہوگی۔یہ آپشن مستقبل کی پوسٹس کے لیے ہے مگر پہلے یا ماضی کی پبلک پوسٹس کو بھی سرچ فیچر سے بچانے کا طریقہ فیس بک نے رکھا ہے.اس کے لیے اسی تالے پر کلک کریں گے، اس کے بعد See More Settings اور پھر Limit Past Postsپر کلک کردیں گے، اس موقع پر فیس بک کی جانب سے وارننگ آئے گی کہ اس سے پبلک یا فرینڈز کے فرینڈز کے ساتھ شیئر کی گئی تمام پوسٹس تبدیل ہوجائیں گی تاہم اس کو یس کرنے پر ماضی کی پوسٹس بھی سرچ فیچر سے محفوظ ہوجائیں گی۔
Similar Threads:
Attention Guest, if you are not a member of Urdu Tehzeb, you have 1 new private message waiting, to view it you must fill out 
Reply With Quote
Originally Posted by CaLmInG MeLoDy
Bookmarks