Allah Jallah Jallal Hoo

**CaLmInG MeLoDy** · 05-27-2014, 04:55 PM

Soorah-Ar-Rehmaan

Aayaat-78

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

1
Khuda Joh Nihayat Meherbaan.
2
Ussi Ne Quraan Ki Taaleem Farmayee.
3
Ussi Ne Insaan Ko Paida Kia.
4
Ussi Ne Is Ko Bolna Sikhaya.
5
Sooraj Aur Chaand Aik Hisab-E-Muqarrar Se Chal Rahe Hain.
6
Aur Bootiyan Aur Darakht Sajda Kar Rahe Hain.
7
Aur Ussi Ne Aasmaan Ko Buland Kia Aur Tarazoo Qaim Ki.
8
Ke Tarazoo Se Tolne Main Had Se Tajawaz Na Karo.
9
Aur Insaaf Ke Sath Theek Tolo.Aur Toul Kam Mat Karo.
10
Aur Ussi Ne Khalqat Ke Liye Zameen Bichayee.
11
Is Main Maiwe Aur Khajoor Ke Darakht Hain Jin Ke Khoshoun Par Gilaaf Hote Hain.
12
Aur Anaaj Jis Ke Sath Bhuss Hota Hai Aur Khushboodaar Phool.
13
Toh Ae Guroh Jinn-O-Inss Tum Apne Parwardigar Ki Koun Koun Si Naimat Ko Jhutlao Ge?
14
Ussi Ne Insaan Ko Thaikre Ki Tarha Khin Khinati Matti Se Banaya.
15
Aur Jin-Naat Ko Aag Ke Shole Se Paida Kia.
16
Toh Tum Apne Parwardigar Ki Koun Koun Si Naimat Ko Jhutlao Ge?
17
Wo Hi Dono Mashrikoun Aur Dono Magriboun Ka Malik Hai.
18
Toh Tum Apne Parwardigar Ki Koun Koun Si Naimat Ko Jhutlao Ge?
19

Usi Ne Do Darya Rawaan Kiye Joh Apas Main Milte Hain.
20
Dono Main Aik Aar(Rukawat) Hai Ke Is Se Tajawauz Nahi Kar Sakte.
21
Toh Tum Apne Parwardigar Ki Koun Koun Si Naimat Ko Jhutlao Ge?
22
Dono Daryaaoun Se Moti Aur Moong Nikalte Hain.
23
Toh Tum Apme Parwardigar Ki Koun Koun Sin Naiamt Ko Jhutlao Ge?
24
Aur Jahaz Bhi Ussi Ke Hain Joh Darya Main Paharoun Ki Tarha Oonche Khare Hote Hain.
25
Toh Tum Apne Parwardigar Ki Koun Koun Si Naimat Ko Jhutlao Ge?
26
Joh Makhlooq Zameen Par Hai Sab Ko Fana Hona Hai.
27
Aur Tumhare Parwardigar Hi Ki Zaat Ba Barkaat Joh Sahib-E-Jalaal-O-Azmat Hai Baqi Rahe Gi.
28
Toh Tum Apne Parwardigar Ki Koun Koun Si Naimat Ko Jhutlao Ge?
29
Aasmaan Aur Zameen Main Jitney Loug Hain Sab Ussi Ke Maangte Hain.Wo Har Roz Kaam Main Masroof Rehta Hai.
30
Toh Tum Apne Parwardigar Ki Koun Koun Si Naimat Ko Jhutlao Ge?
31
Ae Dono Jamato! Ham Anqareeb Tumhari Taraf Mutawajoh Hote Hain.
32
Toh Tum Apne Parwardigar Ki Koun Koun Si Naimat Ko Jhutlao Ge?
33
Ae Guroh Jinn-O-Inss Agar Tumhain Qudrat Ho Ke Asmaan Aur Zameen Ke Kinaroun Se Nikal Jao Toh Nikal Jao.Aur Zor Ke Siwa Toh Tum Nikal Sakne Hi Ke Nahi.
34
Toh Tum Apne Parwardigar Ki Koun Koun Si Naimat Ko Jhutlao Ge?
35
Tum Par Aag(Fire) Ke Shole Aur Dhuaan Chor Dia Jaye Ga Toh Phir Tum Muqabla Na Kar Sako Ge.
36
Toh Tum Apne Parwardigar Ki Koun Koun Si Naimat Ko Jhutlao Ge?
37
Phir Jab Asmaan Phat Kar Tail Ki Tuljhat Ki Tarha Gulabi Ho Jaye Ga Toh Wo Kaisa Holnaak Dinn Hoga.
38
Toh Tum Apne Parwardigar Ki Koun Koun Si Naimat Ko Jhutlao Ge?
39
Us Roz Na Toh Kisi Insaan Se Is Ke Gunahoun Ke Bare Main Pursish Ki Jaye Gi Aur Na Kisi Jinn Se.
40
Toh Tum Apne Parwardigar Ki Koun Koun Si Naimat Ko Jhutlaao Ge?
41
Gunnehgaar Apne Chehre Hi Se Pehchaan Liye Jayen Ge Toh Paishani Ke Baaloun Aur Paaon Se Pakar Liye Jayen Ge.
42
Toh Tum Apne Parwardigar Ki Koun Kounsi Naimat Ko Jhutlao Ge?
43
Ye Hi Wo Jahannum Hai Jisse Gunnehgaar Loug Jhutlat The.
44
Wo Dozakh Aur Kholte Hue Garam Pani Ke Darmayan Ghoomte Phirainge.
45
Toh Tum Apne Parwardigar Ki Koun Koun Si Naimat Ko Jhutlao Ge?
46
Aur Joh Shaks Apne Parwardigar Ke Samne Khare Hone Se Dara Us Ke Liye Do Baagh Hain.
47
Toh Tum Apne Parwardigar Ki Koun Koun Si Naimat Ko Jhutlao Ge?
48
In Dono Main Bohot Si Shaakhain Yaani Qisam Qisam Ke Maiwoun Ke Darakht Hain.
49
Toh Tum Apne Parwaredigar Ki Koun Koun Si Naimat Ko Jhutlao Ge?
50
In Main Do Chashme Beh Rahe Hain.
51
Toh Tum Apne Parwardigar Ki Koun Koun Si Naimat Ko Jhutlao Ge?
52
In Main Sab Maiwe Do Do Qisam Ke Hain.
53
Toh Tum Apne Parwardigar Ki Koun Koun Si Naimat Ko Jhutlao Ge?
54
Ehl-E-Jannat Aise Bichounoun Par Jin Ke Astar(Cover) Atlas Ke Hain Takya Lagaye Hue Hounge.Aur Dono Baagoun Ke Maiwe Qareeb Jhuk Rahe Hain.
55
Toh Tum Apne Parwardigar Ki Koun Koun Si Naimat Ko Jhutlao Ge?
56
In Main Neechi Nigaah Wali Aurtain Hain Jin Ko Ehl-E-Janat Se Pehe Na Kisi Insaan Ne Hath Lagaya Aur Na Kisi Jinn Ne.
57
Toh Tum Apne Parwardigar Ki Koun Koun Si Naimat Ko Jhutlao Ge?
58
Goya Wo Yaqoot Aur Marjaan Hain.
59
Toh Tum Apne Parwardigar Ki Koun Koun Si Naimat Ko Jhutlao Ge?
60
Naiki Ka Badla Naiki Ke Siwa Kuch Nahi Hai.
61
Toh Tum Apne Parwardigar Ki Koun Koun Si Naimat Ko Jhulao Ge?
62
Aur In Baaghoun Ke Ilawa Do Baagh Aur Hain.
63
Toh Tum Apne Parwardigar Ki Koun Koun Si Naimat Ko Jhutlao Ge?
64
Dono Khoob Gehre Sabz.
65
Toh Tum Apne Parwardigar Ki Koun Koun Si Naimat Ko Jhultao Ge?
66
In Main Do Chashme Ubal Rahe Hain.
67
Toh Tum Apne Parwardigar Ki Koun Koun Si Naimat Ko Jhutlao Ge?
68
In Main Maiwe Aur Khajoorain Aur Anaar Hain.
69
Toh Tum Apne Parwardigar Ki Koun Koun Si Naimat Ko Jhutlao Ge?
70
In Main Naik Seerat Aur Khoobsoorat Aurtain Hain.
71
Toh Tum Apne Parwardiar Ki Koun Koun Si Naimat Ko Jhutlao Ge?
72
Wo Hoorain Hain Joh Khaimoun Main Mastoor Hain.
73
Toh Tum Apne Parwardigar Ki Koun Koun Si Naimat Ko Jhutlaao Ge?
74
In Ko Ehle-E-Jannat Se Pehle Na Kisi Insaan Ne Hath Lagaya Aur Na Kisi Jinn Ne.
75
Toh Tum Apne Parwardigar Ki Koun Koun Si Naimat Ko Jhutlao Ge?
76
Sabz Qaaleeonoun Aur Nafees Massnadoun Par Takiya Lagaye Baithe Hounge.
77
Toh Tum Apne Parwardigar Ki Koun Koun Si Naimat Ko Jhutlao Ge?
78
Ae Muhammad S.A.W. Tumahra Parwardigar Joh Sahib-E-Jalaal-O-Azmat Hai Us Ka Naam Bara Ba Barkat Hai.

^^^^^^^^^^^^^^^^^^^^^^^^^^^^^^^^^^^^^^^^^^