Attention Guest, if you are not a member of Urdu Tehzeb, you have 1 new private message waiting, to view it you must fill out 
جاپانی ماہرین نے ایک انتہائی باریک اور کثیر المقاصد برقی سرکٹ بنایا ہے۔ اس سرکٹ کی مدد سے مصنوعی انسانی اعضاء سمیت مختلف طبی معاونتوں کی تیاری اور ان کی کارکردگی کو زیادہ موثر اور بہتر بنانے میں مدد ملے گی۔اس الیکٹرک سرکٹ کی تیاری میں حصہ لینے والے جاپانی ماہرین کی ٹیم کے مطابق یہ سرکٹ نہایت لچکدار ہے۔ اس کی موٹائی ایک عام کاغذ کی موٹائی کا پانچواں حصہ ہے اور اس سرکٹ کا وزن نہ ہونے کے برابر ہے۔جاپانی ڈویلپرز کا یہ بھی دعویٰ ہے کہ یہ سرکٹ دماغ سے سگنلز وصول کرنے کی صلاحیت رکھتا ہے۔ اس سرکٹ کو مصنوعی انسانی اعضاء کی تیاری میں استعمال کیا جائیگا، جس سے ان کی نقل و حرکت کو بہتر بنایا جا سکے گا۔اس نئے سرکٹ کے حوالے سے ایک اور دلچسپ بات یہ سامنے آئی ہے کہ اس کی مدد سے انسانی جسم کے درجہ حرارت، بلڈ پریشر، دل کی دھڑکن اور انسانی جسم میں چلنے والی تمام طرح کی برقی لہروں سے متعلق معلومات اکٹھی کی جا سکیں گی۔یہ مائیکرو سرکٹ یونیورسٹی آف جاپان سے تعلق رکھنے والے محققین کی محنت کا نتیجہ ہے۔ اس ٹیم میں شامل ایک سائنسدان نے بتایا کہ یہ چپ اتنی باریک ہے کہ اسے انسانی منہ میں تالو کے ساتھ چپکایا جاسکتا ہے۔ اگر کوئی شخص چاہے تو محض اپنی زبان ہلا کر سگنلز بھیج سکتا ہے۔سائنسی جریدے نیچر میں چھپنے والی اس تحقیقاتی رپورٹ میں پروفیسر تاکاؤ سومیا کہتے ہیں کہ یہ سرکٹ ایسا ہے کہ اسے انسانی جسم کے کسی بھی حصے کے ساتھ لگایا جا سکتا ہے اور یہ معمول کے کاموں میں کسی بھی قسم کی رکاوٹ نہیں ڈالتا۔ان مائیکرو چپس کو کثیرالمقاصد قرار دیا جا رہا ہے۔ ماہرین کا یہ دعویٰ ہے کہ اس نئی تحقیق سے طبی دنیا کے بہت سے حل طلب مسائل اب زیادہ بہتر انداز میں حل ہوسکیں گے۔ تاہم پروفیسر سومیا کا کہنا ہے کہ ابھی اس حوالے سے بہت کام ہونا باقی ہے۔اس مائیکروچپ کو ابھی انسانی جسم کے ساتھ موافق بنایا جانا باقی ہے۔ اس سرکٹ کو برقی رو کی مسلسل فراہمی بھی ایک بڑا چیلنج ہے ٭٭٭
Similar Threads:
Reply With Quote
Bookmarks