Attention Guest, if you are not a member of Urdu Tehzeb, you have 1 new private message waiting, to view it you must fill out 
وار
پیر
پیر دیہاڑے پیر مناواں کدوں میرا پیر گھر آوے گا
پنڈاں بھاریاں سر تے پیاں کدوں آکے اوہ لاوے گا
بیڑا پیا وچہ شوہ دے کدوں آ کے اوہ بنے لاوے گا
غلام حضور شاہ دس چھڈ اڑیا کدوں مینوں سکھ آوے گا
منگل
منگل دیہاڑا آیا اڑیو بیٹھی کانگ اڑانی آں
کدوں آوے گا گھر ماہی بیٹھی اونسیاں پانی آں
چرخا ڈھا دلیلاں والا گیت سوچاں دے گانی آں
غلام شاہ دے کول بہہ کے دکھڑے پئی سنانی آں
بدھ
بدھ دیہاڑے نہ لاویں لارے آ کے مکھ وکھا جا توں
میں وچاری کرماں ماری ستے پہاگ جگا توں
میں دکھیاری کر جا کاری دل دے روگ گوا جا توں
غلام حضور شاہ نوں کراں سفارش رٹھیا یار منا جا توں
جمعرات
جمعرات پیاری کرماں والی کیہ کجھ اج پکاواں میں
چینی روا بازاروں لیا کے حلوا چا بناواں میں
ملاں سد مسیتوں جلدی ختم درود دواواں میں
غلام حضور شاہ نوں کول بہا کے خوب رجاواں میں
جمعہ
جمعہ دیہاڑے گھتاں ہاڑے ہن کیہ کراں میں اڑیو نی
دور نیڑے کتے نظر نہ آوے کوٹھے اتے چڑھیو نی
ماہی میرا رس کے ٹر گیا دوڑ کے اس نوں پھڑیو نی
غلام حضور شاہ سمجھاوے کڑیاں پرائی اگ نہ سڑیو نی
ہفتہ
ہفتہ وار پیارا میرا ایہہ تاں دلاں دا جانی جے
ہوش میرے وچہ رہی نہ کوئی میں ہوئی پھراں دیوانی جے
رو رو بیٹھی عرضاں کر دی دے جاوے کوئی اوہ نشانی جے
چوتھا مصرعہ مٹیا ہویا اے پڑھیا ای نئیں جا رہیا
اتوار
اتوار پیارے ماہی میرے آ گھر پھیرا پایا سو
حکیم آیا میرے دل دا جانی دل دا روگ گوایا سو
درد غماں دی موئی نوںپھر زندہ کر وکھایا سو
غلام حضور شاہ وار بنائے قصہ چا اج مکایا سو
Reply With Quote
Originally Posted by Dr Maqsood Hasni
Bookmarks