Attention Guest, if you are not a member of Urdu Tehzeb, you have 1 new private message waiting, to view it you must fill out 
ایتھے کر نہ ایڈا ترلہ
از:
صوفی شاعر حضرت غلام حضور شاہ
پ 1907 و 1988
جسراں رجسٹر تے نکل کیتا گیا اے' میں اوسراں ای ایتھے درج کر دتا اے۔ نکل کرن الا کوئی بوہتا پڑھیا لکھیا نئیں جاپدا۔ دوجا ایس کم نوں ونگار سمجھ کے' مگروں لاہن والی گل گیتی گئی اے۔ فر وی شاواش اے' چلو کلام ریکارڈ وچ تاں آگیا اے۔
صفت کراں میں رب سچے دی جو ہے خاص رحمن
اٹھ پچھلی راتیں ملاں دین ازان ۔۔۔۔
کر عبادت رب دی جے ہیں نیک نصیب
عبادت کر گیے رب دی الله دے حبیب
اٹھ سویرے کرماں والی پاوے ددھ مدھانی
ددھ ریڑکے تے مکھن نکلے مکھن نکلے نہ پانی
گزرے زمانے پھر نہ آون لکھ چارہ کوئی لاوے
گئی جوانی تیری بندیا ہن بڑھاپا آوے
پانی گیے دریاواں والے چھڈ وطناں نوں جاون
رات دنے میں کراں ایڈیکاں کدوں سجن گھر آون
۔۔۔۔ جے کوئی امانت رکھے اوہ نہ یارو کھائیے
دنیا دے لاچ وچ پئے کے نہ ایمان گوائیے
گھر چمکے شیشے وانگوں جے کر چنگی ہووے سوانی
سوٹا ماریاں دو نئیں ہوندے جو وگدے نیں پانی
پتلوں کدی نئیں سونا بن دا لکھ چارہ کوئی لاوے
لکھاں مناں دے کولے لیاء کے وچ کٹھالی پاوے
سن چوہتر دس جنوری وار جمعرات سداوے
دنیا اتے ایہہ دن بھائی فر کدی نہ آوے
بس کر یار حضور شاہ ایتھے کر نہ ایڈا ترلہ
مر گئیوں تے ملے گا تینوں سارا بھوں نہ ادھ مرلہ
10 جنوری 1974
Similar Threads:
Reply With Quote
Originally Posted by Dr Maqsood Hasni
Bookmarks