Attention Guest, if you are not a member of Urdu Tehzeb, you have 1 new private message waiting, to view it you must fill out 
مٹی
مٹی میری فرض عبادت
مٹی نفل شبینہ
مٹی دے میں دِیوے بالاں
مٹی نُور خزینہ
مٹی میرے علم دا منبہ
مٹی حرف لکیراں
مٹی تُوں میں سب کجھ سکھیا
مٹی مرشد پیراں
مٹی میرا زیور گہنا
مٹی کپڑے لتے
مٹی لفظ، کتاباں، قلماں
مٹی کاغذ گتے
مٹی دے میں سُفنے ویکھاں
مٹی نُوں تعبیراں
مٹی اُتے نظماں لکھاں
مٹی نُوں تصویراں
مٹی خواب ازل توں میرا
مٹی ابداں ماری
مٹی توں میں جِند چھڑاواں
مٹی جان توں پیاری
مٹی دی میں کھیڈ بناواں
مٹی روندھ وی ماراں
مٹی نال میں بازی لاواں
مٹی جِتاں ہاراں
مٹی دے میں گُنجل کڈاں
مٹی زُلف سنواراں
مٹی اَکھ میں سرمہ پاواں
مٹی ہار سنگھاراں
مٹی توں میں صدقے جاواں
مٹی توں جند واراں
Similar Threads:
Reply With Quote
Originally Posted by ROHAAN
Bookmarks