ابھی وقت ہے، ابھی سانس ہے

[PRINCE SHAAN]

ابھی وقت ہے، ابھی سانس ہے


ابھی وقت ہے، ابھی سانس ہے، ابھی لوٹ آ، میرے گُمشدہ
مُجھے ناز ہے میرے ضبط پر، مُجھے پِھر رُلا، میرے گُمشدہ


یہ نہیں کہ تیرے فراق میں، مَیں اُجڑ گیا یا بِکھر گیا
ہاں محبتوں پہ جو مان تھا، وہ نہیں رہا، میرے گُمشدہ


مُجھے عِلم ہے کہ تُو چاند ہے، کسی اور کا، مگر ایک پل
میرے آسمانِ حیات پر، ذرا جگمگا، میرے گُمشدہ


تیرے التفات کی بارشیں، جو میری نہیں تو بتا مُجھے
تیرے دشتِ چاہ میں کِس لئیے، میرا دِل جلا، میرے گُمشدہ


گھنے جنگلوں میں گِھرا ہُوں میں، بڑا گُھپ اندھیرا ہے چار سُو
کوئی اِک چراغ تو جل اُٹھے، ذرا مُسکرا، میرے گُمشدہ

Similar Threads:

• سبھی کچھ ہے تیرا دیا ہوا، سبھی راحتیں، سبھ
• بے یک نگاہ بے شوق بھی، اندازہ ہے، سو ہے
• اُداسیوں سے ہی نبھتی ، خمیر ایسا تھا
• چاند کے ساتھ سفر میں تھے تم،یہ تو بہانہ ٹھی
  
• اس کی حسرت ہے ، جسے دل سے مٹا بھی نہ سکوں